早前經過灣仔大王東街, 竟然看到一間似曾相識的食肆, 名叫Bao Wow. 長長的店, 直入便是開放式廚房, 快餐自助形式食「割包」.

半年前因為看到小儀推介, 於是走到PMQ對面吃「Little Bao」. 不是不好食, 只是鼓油碟Size的漢堡包, 鹹食最便宜$78, 配雪糕$48. (都幾鬼貴嘅)

我望著餐牌跟太太說:「係米好似PMQ對面嗰間?」肥師傅聽到我說回應:「哦!好貴嗰間麻, 一個包仔都要$100, 我哋唔同, 我哋係賣台灣割包, 台灣人通常用嚟做早餐」

其實, 我好喜歡食用來包著北京田鴨的麵粉皮, 所以, 我一見到「割包」的賣相, 二話不說, 即時要留底一試. (其實, 我唔介意淨係買塊包嚟食㗎)

原來Bao Wow已經開了一年, 早4個月前換了曾任灣仔會展自助餐廳的大廚過來坐鎮, 大廚說:「有心機煮同無心機煮D客係食得出嘅」(咁你又講得啱喎)

這裡有6款餡料的割包, 原來大廚一早炒好所有餸, 客人選那一款, 就由師傅夾入熱騰騰的割包內, 再加配料醬汁.

傳統割包 (前) , 最合SY的口味, 不酸不辣, 豬肉又夠入味, 當然阿囝遺傳了我的DNA, 所以一樣超愛吃這個由麵粉團搓成的包!!

最後, (其實我一早估到), 他挑了內裡的豬肉給我, 自己將整個包一口氣吃晒.

之後的泡菜牛肉(左), 不及芝麻酸薑豬扒(下圖) 吸引, 可能豬扒炸得夠香脆, 而我自己不是太愛吃泡菜吧!!

其實, 這裡的割包價錢由$29-$32不等, 雖然價錢未至於超值, 但可能我吃過中環類似的, 卻要收費一倍以上, 所以我又覺得BAO WOW算抵食喎.

不過, 有小朋友掛住吃洋蔥圈, 望也沒有望過那豬扒包一眼....(駛唔駛扮到咁專心呀??)

全晚最期待的就是「雪糕炸包文治」, 肥師傳好好人:「你哋食到咁上下, 我先整, 唔係雪糕溶就唔係咁好啦」(好呀!好呀! 估唔到你咁細心, 唔該晒)

肥師傳預先將割包炸好, 放涼一回, 之後就準備兩個雪糕球放入包內. (其實我有妄想過, $38會給我Haagen dazs...因為我最唔鍾意食牛記雲尼拿)

之後再配上配料, 一整晚雪糕殺手阿囝最期待的甜品, 終於登場啦!!

炸銀絲卷又是我的至愛, 所以, 我希望阿囝只吃雪糕, 留下那片看似正在呼喚我的炸包給我, 那已經心滿意足了. (最後我也食到半個包, 整分甜品也是由囝KO了)

結果, SY歡喜若狂的張開了兩隻大手, 我問:「做咩呀你?」, SY:「我知你實問我幾多分, 我做定先囉, (咁幾多分呢?) 十分! 真係最好食」(我都話殺手即係殺手啦!!)

最後, 我最開心店內有免費叉電, 雖然不是快叉, 起碼也可以作少量補充一下, 總好過無呀! (每條線都閃著紅燈, 真係幾鬼靚)

大仁生活facebook

http://dayanlife.blogspot.hk/2015/06/bao-wow.html