地方細細，但採光好靚喎!

原來Aries本第都有玩下影相，所以全屋採用天然光。

成個感覺好光猛，簡潔得黎又有D格調。

預約時，Aries問我拎左頭髮現況既近照，事前已經做足功課，幫我唸定做咩色，有咩變化。

即刻做個頭髮測試先。

Aries話我頭皮偏油左少少，有機會係用左有矽靈既洗頭水呀>.<

其實我已經好小心咁揀洗頭水架啦，但有害既產品真係周圍都係...

不過好彩，情況都唔算嚴重，照可以染左髮先，如果再嚴重D就要乖乖地搞返好個底先可以染髮架啦。

事不宜遲，即刻開始。

你睇我D頭髮，有半條已經係生返出黎既黑髮啦T^T

唔染邊出到街見人呀?

Aries今次就幫我揀左呢隻日系既啡色。

原來應該染咩色都大有學問架，日系色會比較岩亞洲人，原理同化妝一樣，用錯色就會顯得個人好灰，無乜精神架啦!

對於染咩色我就無咩所謂既，只要自然同均勻就收貨啦。

但唔好以為好易，因為無論出去染定自己染，10次有9次我個頭都係上色上到一達達架T^T

有D髮型師會話係因為我頭髮比較幼，比較難搽得均勻...

望落Aries都上得幾均勻，手勢仲好好添，佢唔會係咁掃你既頭髮，每小束都係三、兩下就掃均勻，更特別既係，Aries唔會加熱頭髮，而係慢慢等夠時間令頭髮上色。

因為加熱雖然加快左上色既過程，但同時都會令水份流失架。

所以下次去染髮都係乖乖地等多陣，唔好心急啦：）

Check過上色狀態OK，就可以沖返個頭啦。

就咁沖水，唔落洗頭水架。

濕望隻色已經唔錯啦喎，吹返乾睇睇先。

果然無令我失望，隻色染得好均勻，深淺度岩岩好，真人望唔會太誇張，影相就岩岩睇到少少色。

不枉我山長水遠入到大埔就係為左個頭XD

Aries 服務範圍 : 美髮 數碼曲髮 歐日顏色系 膠紙染髮 日間及宴會化妝等

- 預約時間：

星期一二三 (9am - 6pm)

星期四五 (9pm前)

星期六、日及公眾假期 (9am - 5pm)

地址: 大埔中心 安慈路3號 翠屏花園 B坐 16/F B6室

敬請至少4天前，以 whatsapp 預約 (兩星期前預約會更容易安排時間)

ARIES 預約 (Whatsapp: 9339 2293)

Fb.com/aries93392293

**由於Aries 使用藥水時，對髮質要求也很細緻。如果想髮型做到最好效果，預約時，請同時把近照發給Aries，讓他有充裕時間了解面型及髮型，做好髮質檢查，髮型效果會更好**