芝士芝士~~hsiu就一向好鍾意食o既~

所以...芝士火鍋又點會唁鍾意呢?!

如果係街食...通常冬天先會有ga~~而且一set set o既料又唔一定所以都o岩食wo~~

好la~有同事係marketplace買左包芝士火鍋wo....特價wo...

咁就即刻撩起左hsiu又要去買返包先得!!!

woooowoooo....

買個芝士火鍋包都有段小插曲wo......

原價$98...而家特價$39.9...

就係尼包la!!!登登登登~~~

omg!!! 點知去到收銀機.....姐姐都呆左...."唔係掛...係未攪錯左r? $10???"

hsiu: 唔係掛...點會r?!

姐姐同佢同事講: 如果$10我地買晒全部去!

就係hsiu同姐姐都呆左同好懷疑o既情況下.....姐姐同事就話"機都出$10就係10 la!"

omg!! 姐姐即刻問我洗唔洗買多幾包~~

hahah....大家真係知hsiu心意la~ hsiu當然就買多包la!!

不過佢其實係7月到期, 所以先特價...但係佢又特價得太奇怪low~

好la...我地講返正題la!!

材料當然唔少得 芝士火鍋包 la~~~

當然...如果你對芝士品種有d講究o既... 係可以自己整o既...

方間都有好多食譜教大家點樣整個芝士底出尼~~

但懶懶地....買一包返去就算la~~

一包就夠la~~

而且唔少得...就係要有一個 小爐 la!!!

尼個小爐仔係聖誕個時買朱古力送ga~~一直都想自家整個朱古力火鍋尼食下...

但冬天已經過左la....都未有用過....

估唔到...而家summer先尼返個芝士火鍋!!

終於都得物有所用la!!!

其實食材無咩特別規定~~好睇你鍾意食d咩ga ja~~

hsiu就買左尼隻 串串茄~~ $22一盒~~ from中環街市...

丫.....串串茄真係唔同d ga~ 真係好甜好甜r!!!

尼隻已經叫做平個隻la~~有d仲$80/lbs r~~~

仲有 芝士腸~~ $3x一包~~ from之前sogo減價買ga~

尼隻芝士腸真係好好食ga!! 入面滿滿cheese~~~~

今次只係用左3條~

仲有 法包~~ $15一條~~ from上環某一小面包店~

一間小小的, 感覺有點歷史的~~

但佢d包真係好香好好食~~



仲有仲有 蘑菇 ~~ $1x / 3隻~~ from 中環街市

尼隻大大菇真係好好味wo~~ 好有菇味r!!!

step 1:  首先將所以材料切好自己鍾意o既size~~

step 2:  之後就將佢地整到80%熟!! 

因為雖然話係火鍋ja~ 但係大家都知道佢得個樣ja~~唔係真係好整得熟d野!!

所以我地都要將d食材整熟先得!!!

step 3:  所以食材都整熟後, 就要煮芝士鍋底la!

芝士包本身就成舊o既, 要用明火煮返開去, 要畀少少時間慢火煮~

如果太大火就好易燶晒ga la!!

煮到差唔多8-10mins, 就差唔多la~  

如果想稀d可以加d白酒...

今次hsiu就無加....所以就有d結左d....

完成!!!

原本諗住個爐咁細, 一包芝士會放唔晒....點知又o岩o岩好wo!!

另外仲有 少少ham~ 少少帶子刺身~~ 少少煙三文魚~~

仲有少少煙肉~~少少火腿~~

丫......2個人食.....實在有d太full左d~~~

尼個芝士底本物就好重酒味wo~~

初初諗住等佢煮耐d, d酒精會發晒d la~~~

點知食到最尾都仲係好酒wo~~

總結尼講~~~係屋企食芝士火鍋真係又開心又好玩又好食!!

係真係食得舒適~~

事前功夫係有d多o既....不過見到大家食得開心...就無所謂la!!

但大家記得....預份量唔好預咁多r....

如果唔係....就會好似hsiu咁....食唔晒la~

不過就正因係屋企食o既關係....

食唔晒都無所謂....未放入雪櫃low~

又可以放入第2餐到...煮唔同o既野la!!

大家都快d試下la!!!

hsiu 之新網:  http://hongkonghandmade.com/zh-hant/handmaker/7349#info