15 JUNE 2015(MON)

大肥豬生日，當然要搵啲特別嘢嚟慶祝一番。剛好太古城有大型波波池，貪玩嘅我當然係好想去玩，所以就趁今日兩口子嚟拍拖玩轉啦~

不過，原來佢地真係一票難求，因為聽好多朋友仔講都要晨早六點幾就去排隊拎籌，短短兩個鐘就已經拎晒全日所有嘅籌，我地依啲九龍人又點可以咁早去排隊呀！

今次有得入場都係全靠 大仁生活 轉贈兩張入場卷，我先可以輕輕鬆鬆咁去玩呀！

其實我有諗過係帶小小豬嚟玩，不過見佢都係剛剛病好，始終都唔係太適合玩波波池活動，加上今次賣點又係大人波波池，所以最後都係決定同大肥豬兩個嚟玩啦~

預期話係同大肥豬慶生日節，不如話係我捉佢嚟陪我玩，因為我入到場都自覺已經傻左，係玩到傻左呀~

係個波波池入面不停跳..跳..跳~

成個人瞓晒落波波池個感覺真係好正呀~

當然唔少得兩口子嘅自拍啦~

我仲去左玩"SIR"滑梯，大約有7級樓梯高度嘅滑梯，"SIR"落嚟嗰一刻都幾有離心力，好好玩呀~

雖然話就係有40分鐘，但未計我地除鞋及擺好個人物品時間，其實真正入場都只係有大約半個鐘，真係有點唔夠喉，所以我都好唔聽話地要大會工作人員吹左幾次先肯走呀~

入嚟喪玩左一輪之後，真係咩唔開心嘢都可以暫時忘記，係玩嘅時候我都有掛住小小豬呀，都會幻想下佢係波波池入面嘅開心樣，相信佢一定比我更加瘋狂呀！

但無奈都只係有三天，所以想帶小小豬嚟就要等下次再舉辨嘅時候啦(希望唔洗等好耐啦...哈哈哈) ！

MY FACEBOOK~


MY WEIBO~

 

MY E-MAIL~

 

 

 

其他博客區
※※ SINA ※※

※※ MyBB星級Blogger ※※
※※ 熱新聞專欄 ※※
※※ 博勢力 ※※
※※ She.com ※※

※※ WeShare ※※
※※ theZtyle ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※