在馬鞍山區內定位算是比較貴的一間中式酒樓，可能平日大家都只係想食吓家常飯唔想食咁貴，所以雖然佢推出了這個晚飯孖寶都有好一段時間但生意仍然麻麻，或者都睇吓質數怎樣。  

選了乳豬拌皮蛋，乳豬皮幾薄而仍有些脆，在酒樓中算是幾好食，但與做得出名出色的仍有大距離。伴皮蛋有點怪，兩者味道又唔係特別夾，只能說皮蛋便宜又不用多大功夫整吧，但換來是睇起來幾寒酸，用幾塊豉油雞代替不是更好嗎，成本除時重平只是功夫多了不少，但......現時生意很好燒味部很忙嗎?  

清蒸海星斑確係有點驚喜，首先條魚比想像中大條，斤半以上無走雞，第二是蒸得時間剛剛好，放在枱上淋下豉油肉是能離骨緊緊熟，魚應是生劏肉質味道如何也不用多問，是做得很出色的蒸魚，豉油口味如何就有點見仁見智。  

最後送的紅豆沙味道好行貨，待應能裝得滿一點及企理一點嗎?又或真的是曾經打瀉了一些?唔好誤會有乜陰謀論，雖然唔係點了好多野食但侍應其實無黑面仍保持應有態度。

感謝 All About Foods 提供以上資料

個人日誌: http://hkgfoods.blogspot.hk/