最後一日假期都係陽光普照 .      當然要行山.    我唔想行要上樓梯既地方, 珍妮花又有腳傷, 唔可以行太長, 唔上斜坡,  最後選咗由鰂魚涌行去北角既路.  

行咗咁多次鰂魚涌既路, 先知有一坐座紅樓係度.   唔知係咪要來做文物保護. 

我地見到條樓梯往金督馳馬徑, 諗住試一條有景睇既新路, 就一路上.  一路行都無人, 都唔知條路啱唔啱.  好彩條樓梯唔辛苦.  

上到去個景觀都唔錯, 呢度係康山.

見到大風Au個名都驚辛苦唔敢行呢邊.

呢度分叉路好多.  上完樓梯開始人流多, 一路行一路問人, 途中見到位YMCA既導師, 佢有齊備既地圖, 我地乜都無帶, 實在太唔professional la.

呢邊又有幾條分叉路, 其中有一條係繞一個大圈.   我睇咗好耐都睇唔出大家講既係邊條路.  好彩珍妮花行過 (不過係4年前既事) , 未行過既人真係唔知會行咗去邊.

行上寶馬山既路係最好既選擇.  呢度唔係石屎路, 好好行.  今日仲有跑步比賽添

原來鰂魚涌都有類似 IFC 既物體, 唔知係咪屬於太古方定係其他財團呢

山上有個石春路同呢個圓牌.   我成日都將畢拿山同柏架山攪亂.

香港都有好多山啊

仲望到中環添.  可惜依夠有煙霞.

試下新機Canon 860 既panorama function 先.  我唔記得咗點樣用 Photo Stitching 既 Function啊

以後舊機場會唔會多一個湖呢

行返落來先知呢度係一個觀景台.  唔錯唔錯 

珍妮花, 你今次無選錯路行啊

跟住就係寶聯徑行樓梯落到培橋中學出. 

落到去依然好多分叉路.   知道一條新路, 下次唔駛又行鰂魚涌去大潭lor.  今次全程連影相用咗2小時.