舊同門聚餐‧泰苑小食 SeeWide

29 APRIL, 2013
我每篇卜都離唔開食、食、同埋食 ~ 哈哈哈~ 我都怕大家睇到悶~ 無計啦! 我每日都好想打卜~ 你知時間有限~~ 小妹終於快將轉工, 到時早放工, 早打卜, 呵呵! 心情好興奮呀! 入左間朋友仔既公司, 又變左同事喇! 心情好興奮~ 又緊張~ 講明今餐係舊同門聚餐, 大家都係共事過既, 都係好朋友啦! 哈哈~ 真係好鍾意你地呢班爛GAG王 ! 真係笑死~ 所以以前返真係好開心, 每日笑笑笑咁過一日, 其實呢加都開心既, 成班女同事大家一齊講下生BABY經, 真係係度大咁呀! 以前又讀書呢~ 係, 回憶呢D等我走個日先講啦 ! 我D同門都有睇我個BLOG架~~(HELLO (wave) ) 哈哈哈 ! 講笑~~~ 好喇 ! 講返今晚呢餐先啦 ! 其實前排同同門食完, 今日同舊同門食~ 一樣咁開心~~~
先黎杯好出名既【芒果沙冰】真係好好飲 ! 好濃既芒果汁打成, 真係好芒果 ! 每次都必叫~ (thumbs up)

文寶~ 你咁做, 都係想我影到你上鏡, 我成全你 ! 哈哈哈

清炒椰菜苗 : 每次都會叫, 好好味! 炒得好香~ 椰菜苗爽脆~
咖哩炒蜆 : 大家叫係想要個汁, 用黎點包食 ! 哈哈
蒜蓉包 : 焗得岩岩好, 好香好脆~ 叫多左碟~~
泰式肉碎炒河 : 真係好好味! 好辣, 好香~ 有生菜係底, 吸油~ 真係好食~

泰式鳳爪 : 酸酸辣辣好開胃~ YUMMY~

YEAH ! 飲杯~~~~~~ (party) 最開心既飯局~~~

串燒 :都係豬牛雞, 普通~~
豬肉生菜包 : 真係好泰國味! 好正宗~ (thumbs up)

明爐烏頭 : 呢度菜我爸爸都識整~ 不過出面食一樣咁好味 ! 等我有機會學到就教大家~ 哈哈

好開心既飯局 ! KM街坊LOOK示人, 哈哈哈 ! 今晚都係同HANKY FALLWELL, 其實仲有一日係正式FALLWELL左, 個篇實在太多同事, 好似唔太方便出~ 哈哈, 可能我會Private個篇BLOG~ 哈哈哈~ 真係想俾自己紀念下~~ I LOVE U HANKY MAMA~~ 最愛的AUNT~ (kiss) 位位同事都係咁鍾意佢~ 呢加無左你~ 我好悶呀!!! 不過我地一樣祝福你開心快樂! 遲下再見~

感謝仙蒂小溫太提供以上資料
個人日誌: http://cindylittlemrswan.blogspot.hk/

~END~

商店	泰苑小食 Amporn Thaifood


抱歉，發生點錯誤。重新載入


(0)	(0)	(0)