|
「九龍城」樂園、自制湯烏冬配兩款雞翼
|
|
仙蒂小溫太
2012-08-29
1090
0
|
分享
收藏
2012 - 8 - 15 YEAH ! 放假可以陪老公，又或者老公陪我 哈哈哈 今日好多HEA！又唔想遠行，姐係坐車多過１５分鍾我都唔制 出面好屎熱呀！因為想打８號風。。。 所以落左九龍城食個BRUNCH 今次又係我最愛既「樂園」 樂園係無餐叫的，全部散叫！ 雖然都係茶餐，都有食米粉、公仔麵個D 但的確令我再三想去食呢~ 兩個人唔想叫太多，又想試多D，真係好矛盾 首先黎杯「凍檸茶」先，「茶香檸鮮」 其實呢度出名既仲有「紅豆奶茶」之後飲過，真係好正！ 但我覺得幾大杯下，要同人SHARE就OK 第二必叫就係「沙嗲牛肉西多士」，外甜內咸，超香口，你睇下D牛油 不過真係超正，唔係成日食，SHARE都OK既 餡都好多架！見到都想食呢 第三新發現，$ 42 - 47（唔記得42、45、47）反正都係四字頭既「雪菜肉絲炒米粉」 雖然係貴，因都可以一試，我鍾意佢個雪菜係自家制既 平時我自己都叫開雪菜肉絲湯米粉，同樣好味 同老公食完野之後行左陣吉之島，熱到屎返屋企訓教，點知一訓就到夜晚， 無買餸，幸好我平時有入開貨，見雪櫃有冷烏冬，德國腸，雞翼，半個椰菜。 老公話想食湯烏冬。。。無問題！我有豬骨湯係屋企 雞翼有１０隻，我仲多心走去整兩款雞翼， 一款自制雞翼， 一款就咁整熟D雞翼，咩味都唔使落，熟左就點個「手羽唐汁」係UNY有售， 德國腸就吉之島買既，有芝士味，光波整熟 我用左一個鍾先完成。。。辛苦到呢~~~ 但老公話好好味，辛苦都值得既 冷烏冬好易熟，開水滾後放烏冬，大約３分鍾就熟，即起沖凍滾水，整乾後落碗備用。 用史雲生豬骨湯一盒，加少少水，反正湯份量自己預， 椰菜洗好切好後落湯煮淋後即起，再放湯入碗，再灑上七味粉，完成 最衰無左個包裝，呢款腸好好味！見百佳都有賣$4X一包有5條，芝士味最正 呢款自制仙蒂雞翼：用鹽、糖、少許雞粉 、 白胡椒 、 生抽 、 少許老抽(上色) 、 米酒 (白酒/料理酒)、少許麻油 基本上我都係醃5-10分鍾，好快就拎去光波 呢款 「手羽唐汁」雞翼，簡單到不得了！只係光波熟D雞翼，之後淋汁，加醬油芝麻就食得，真係１５分鍾食得
其實我成日煮飯仔，不過無時間BLOG咋
感謝 仙蒂小溫太 提供以上資料
|
~END~
| 商店 | 樂園 Lok Yuen (九龍城) |