臨近新年，放工後黎到北角城市花園酒店入面既中菜廳「粵」飯聚，粵係近期城中熱門既粵菜食府之一，有著米芝蓮一星的食肆評級，確係吸引。

坐下後便先來個薑凍金錢羊 $168，靈感來自金錢雞，只是將豬柳片換上蒙古羊柳，入口沒有羊騷味，伴上底層的白靈菇片、冰肉及薑汁啫哩，是一道很新鮮的配搭，怕薑的小妹也接受到，整體黎講有驚喜。

粵味盆菜 $2888, 六人份量 (需三日前預訂)

以特別的藍花器皿盛載的盤菜，多左份高貴感，與平時所食開既盤菜頗唔同。面頭的配料都是一些名貴食材，賣相美觀。材料包括: 原隻南非鮑魚、燕液福袋、蜜汁燒羊柳、蠔豉、江南百花雞、玉簪明蝦和花膠遼參扎等，用料上盛。


底下有大量鮮甜既白蘿蔔同蓮藕墊底。

原隻南非鮑魚，淋上醬汁後切開，鮑魚食落爽彈有嚼勁。

燕液福袋，福袋內放左燕窩同金華火腿碎，養顏之餘又食到火腿的鹹香惹味，不錯。

玉簮明蝦球，顏色很鮮艷，而且蝦肉食落很彈牙呢。

蜜汁燒羊柳，驟眼睇好似叉燒，食落如果唔講都唔知係羊，無羊騷味又唔韌，很特別。

茶燻雞 $238

雞肉相當嫩滑，入口有陣陣茶香，比想像中濃郁美味。

珍品蘿蔔糕 $218

蘿蔔份量頗墜手，足足有一斤之多，內裡以羊肚菌和姬松茸作為材料，更食到不少菇香，愛菇人士可一試。

紅菜頭糕 $168

新年既糕點想搞搞新意思？呢度既紅菜頭糕係一個唔錯既選擇，紅菜頭一向都比人一種健康既感覺，將佢用黎做成糕點，煎香佢，食落質感煙韌有嚼勁，帶陣陣紅菜頭味，又不油膩，頗特別。

合桃酥

小妹真係好鍾意食呢度既合桃酥，剛剛焗起，微熱帶脆，咬落香脆鬆化，確係令人欲罷不能，要消滅一整碟唔難。

粵

地址: 北角城市花園道9號城市花園酒店1樓

(港鐵北角站 A1 出口, 港鐵炮台山站 B 出口)

電話: 2806 4918

營業時間:

星期一至五: 11:30-15:00, 18:00-23:00; 

星期六, 日及公眾假期:: 10:30-15:00,18:00-23:00

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================