超滿足的食完放題後，小妹又嚷著要食甜品，所以便和S先生來到這間位於旺角廣華街，這間與香港品牌GUM "JENG"合作開設的抹茶甜品店，來自臺北高雄的「御前上茶」。一聽到來自臺北的過江龍，就好有衝動立即去潮聖一下。

去到廣華街個頭，見到外面排滿人在等位就一定係佢了。因為店子座位唔多，我地兩個人等6個籌都約要二十分鐘，最後都係避免唔到要搭檯。

店子走日本風路線，簡約既木紋裝潢，沒有過多的裝飾，感覺寫意舒適。

看看餐牌，同樣十分簡單，以宇治抹茶同焙茶甜品為主，暫時新開試業，所供應既甜品包括抹茶拿鐵、聖代、抹茶鬆餅、雪糕等。價錢由$32-$70不等，唔算貴。由於仲係飽既關係，所以叫左杯拿鐵同鬆餅。

抹茶拿鐵豆腐飲 $38

豆腐飲個名好特別，一邊攪拌既時候會見到有豆腐在內，豆腐同抹茶其實幾夾，但奈何杯抹茶飲第一啖已經覺得好甜，抹茶所帶既甘醇味道都唔覺有，得個甜字，飲左兩啖就放棄，味道同貢茶出品既抹茶莎莎又幾似喎。

抹茶鬆餅配焙茶雪糕 $68

黎到呢度我地竟然無揀到抹茶雪糕而要了焙茶口味的，因為聽說焙茶味道的會比較濃郁。

等左十五分鐘終於黎到，用木盤上桌，賣相美觀，有四塊宇治抹茶鬆餅、一杯焙茶雪糕、一小碟紅豆和抹茶啫喱，份量很足，兩個人分享剛剛好。

抹茶鬆餅賣相吸引，咬落微熱，但質感係屬於較厚實個種，如果鍾意食外脆內軟既口感應該會失望。另外抹茶既味道都唔算明顯，係淡淡的，整體還好吧，但就無食完想再食既感覺。

焙茶雪糕，食落很甘香，焙茶味確係相當濃郁，不過小妹就覺得同窩夫唔係太夾，單食會較好，而且雪糕都溶得頗快。

粒粒紅豆及綠茶啫喱，小妹試左後者，帶有抹茶陣陣幾幽香，咬落爽口，唔差。

如果你問小妹覺得呢間好唔好味? 我會話..試一次就夠!

GUM "JENG!" X 御前上茶

地址: 旺角廣華街13號廣輝大廈4-5號地鋪

電話: 2448 6738

營業時間: 星期一至日: 18:00-00:00

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================