據說係上澳洲金獎天然既蜂蜜所製，此系列蛋糕用上塔斯馬尼亞島既Blue Hills Letherwood Honey，100%營養成份既蜂蜜，讓小妹甚為期待呢。

所以呢日返工前就順便去取餅，同同事一齊分享就至岩喇。蛋糕既賣相唔會好花巧，整個蛋糕的外觀為一間屋，屋頂上放著以朱古力所製的蜜蜂和蜂蜜棒，外層淡黃色的蜂蜜mousse，又能突顯今次的蜂蜜主題。

蜂味蜜糖屋 $218 (特價$198)

切開後，能看到內裡分為數層，內裡包括蜂蜜寒天啫喱、澳洲金獎流心蜂蜜、蜂蜜mousse、清新檸蜜啫喱、清甜蘋果蓉。

這一整個蛋糕分給7~8人不是問題，份量頗多的。

味道方面，外層以厚厚的蜂蜜mousse包圍著，感覺有點甜膩，並且覺得蜂蜜味唔夠突出 (不過有同事就食得出，仲清晒全部mousse。) 裡頭就以蜂蜜寒天啫喱的蜂蜜味最為突出，味道清甜幽香，可惜份量唔多。今次呢個蛋糕小妹就覺得一般般喇，不過呢款新出既味道，不妨可以一試。

全線美心西餅分店有售