每次經過這間餐廳的門口都覺得十分搶眼，粉紅色的車子，可愛的圖案和裝潢，還有那蛋糕櫃內的精緻的甜品，女孩們應該會被它深深吸引著吧(至少我是呢!)。佢就係黎自馬來西亞以「家庭」為主題的「Full House」。

這天與S先生睇完戲後 (憑當日電影戲票，於任何時段消費可享88折呢!)，便來到這裡晚餐，仲記得兩年前曾經黎過一次，影埋唔少相，由於自己太懶既關係，最後都無打到食評，感覺頗可惜呢，呢間餐廳除左食之外，仲係一個不錯既影相地方。

落一層就係堂食既地方，餐廳環境都裝潢得有著優雅華麗的氣質，周圍都用上白色的桌椅、吊燈和屏風，連椅背和牆壁的圖案也感覺很典雅。

當然少不了餐廳裡這幾個卡通人物的大公仔，合照一流。

由於餐廳有設一站式既婚禮服務，所以會見到一些婚禮的佈置，感覺很夢幻呢。

餐牌設計得很色彩繽紛，感覺就似一本畫集，每款食物都係圖文並茂，清楚易明。

暮光之戀 $52

其實係用上草莓、香蕉和橙打成的沙冰，質感打得頗細滑，而且果味很重，濃郁既草莓香滲出陣陣橙的清幽，係夏日清涼解渴既好選擇呢。

香草忌廉汁牛尾意式雲吞 $148

淺綠色的意式雲吞，一碟大約有6隻，雲吞皮挺薄身，內裡填滿了已切成絲的牛尾(幾似吞拿魚沙律個種質感)，食落牛尾的味道頗重，配埋濃郁既香草忌廉汁，感覺滿特別。

扒加拿大T骨扒配粟米及時蔬 $278

本身想叫肉眼扒的，但賣晒就轉要T骨扒，份量都頗多，仲印晒網紋，望落幾吸引呢。

牛扒要左五成熟，切開肉質粉嫩的，但感覺可以再生少少，因為食落有點韌，筋位亦較多，有牛味，整體味道還可以。

呢度既甜品款式選擇都頗多，圖文並茂，每個賣相都很精緻，令人十五十六每樣都想試。建議如多人享用可選擇「超級甜品拼盤」$238或「甜品拼盤」$185，光睇拼盤的賣相已令人欲罷不能，不過今晚小妹胃部容量有限，所以只係叫左一款甜品止止口癮。

蘋果金寶伴雲呢拿汁 $63

容許小妹用「蚊香」黎形容呢款甜品。外圍一圈圈既係輕輕燒過的忌廉，配上的蘋果金寶，有別於出面食開的模樣，賣相來得精巧別緻。

一整個蘋果金寶，內裡滿滿的蘋果肉，不過小妹就覺得略為酸左少少，但配上較甜的雲呢拿汁同食後又覺得頗夾呢。

Fullhouse Signature

地址: 尖沙咀加拿芬道25-31號國際商業信貸銀行大廈地下1A鋪

電話: 2369 2813

營業時間: 星期一至日: 12:00-23:00

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================