7點多入到去，人流真係超澎湃，加上當日又有唔少買左團購卷既人訂左位，所以係座位安排上有點混亂。

店內的裝修都以消防為主題，消防員製服、滅火筒、水喉、雲梯等等，感覺很有趣呢，不過人太多既關係，所以影左一兩張就放棄了!

餐牌

Cider Rita (桑莓) $38

將汽水樽倒轉放在有桑莓漿的大杯子裡，賣相很特別的飲品，感覺頗型呢! 其實飲落就係桑莓七喜，清涼解渴呢!

Dry B Rita (豐梨) $48

而呢一款就係有酒精成份，喜愛飲啤酒既人不妨可一試。

隊長沙律 $58

以平底鑊上桌的隊長沙律，沙律的顏色很鮮艷，店方棄用了一般的沙律醬/芝麻醬，而用了酸酸甜甜的藍莓醬，食落味道很清新，很喜歡呢!

水冷豐梨巴馬火腿 $58

平時的巴馬火腿大多配上哈蜜瓜，而呢度就配上原個豐梨，中間就放了數片巴馬火腿，再淋上糖漿，賣相精緻又幾靚喎!

呢個新配搭食落都幾特別，味道同樣係清清的，不過明顯地豐梨的飽足感比較重，食一兩件已經好飽，如果唔加糖漿感覺可能會更好。

豐梨雞翼 $38

搽上豐梨醬汁的雞翼，味道甜甜的，有點像蜜糖雞翼，但所帶來的甜味就比較清幽。

燒肉生菜包 $58

新鮮生菜，放上燒豬肉片再放上泡菜，生菜咬落爽脆，入口豬肉片軟腍唔韌，幾香口，如果可以熱返點更好呢。

鐵鏟芝梨炸雞 (半份) $108

用上鐵板上桌，上桌時仲係熱辣辣呢! 估唔到半份炸雞的份量都係好多，底下配上了蕃薯蓉同埋芝士白汁，雞肉食落肉質頗嫩，配上芝士白汁食幾特別，但芝士味道就唔夠明顯，有點失望；而最上面有一小撮白色係忌廉，同炸雞又鹹又甜既配合幾新穎，但就唔算好好食。

鐵鏟烤肉鍬紅燒 (半份) $118

(可選 不辣/小辣/中辣/大辣)

內裡有粉絲、年糕、豬肉片，芽菜和椰菜等，很足料呢。襯它還熱既時候，一邊撈均，食緊韓式粉絲咁，粉絲夠彈牙，味道甜中帶微辣，愈食愈惹味。

整體黎講食物質素都唔錯，而且唔少款式都好特別，完全有再翻兜既理由呢!

119 Korea Station

地址: 元朗西菁街9號富盛大廈地下95-100號舖

電話: 3565 6911

營業時間: 星期一至日: 12:00-15:00; 18:00-00:00