近來泰菜店真的愈開愈多呢，而且都各有特色。小妹前幾日就去左尖沙咀金馬倫廣場，開張只有三個月的「泰園」品嚐了一頓美味泰菜。

店內樓底夠高，餐廳環境又夠大，坐位與坐位間夠寬闊，又有卡位坐，感覺頗舒適。


餐牌

餐廳內仲有海鮮吧呢，即揀即燒，望上去都相當吸引! 

最近天氣又開始熱返，所以坐下先要了杯菠蘿冰，味道一般，都係青檸梳打好飲。

泰式生腌蟹 $198 (原價$280)

以魚露、蒜頭、辣椒同酒去醃既蟹，醬油味唔會蓋過左蟹同蟹膏本身既鮮味，味道唔差。

活立魚刺身 $258

刺身擺放得相當美觀，望返價錢其實唔貴，而且份量都好足。平時唔食刺身既小妹都忍唔住食完一片又一片，食落質感柔軟幼嫩，感覺好鮮味。

刺身拼盤 時價

這一份拼盤包括了生蝦刺身、帶子、蟶子和象拔蚌。每款刺身食落鮮甜之餘，也感覺新鮮。記得要配埋所附既醬汁食，更加惹味。

象拔蚌味道鮮甜爽口，配埋泰式醬汁食好滋味。

四式拼盤 (蝦餅, 魚餅, 春捲, 香葉包雞) $188

每款份量都比平時多，蝦餅同魚餅食落熱辣辣且彈牙非常; 春卷都夠香脆可口; 反而係香葉包雞味道比較普通。如價錢可再調低一點就更好。

冬蔭功湯 (小/大) $78/$168

湯料好足，有魷魚又有蝦，飲落酸酸甜甜 (酸味比例較重)，但又唔會好辣，帶有陣陣椰香，相當開胃。

泰園爆炸大頭蝦 $328

很大隻既大頭蝦，以南薑、香茅、青檸葉、金不換、辣椒同蒜一同炒香。大頭蝦本身已開邊，享用都很方便。外殼痴了滿滿的香料，味道帶辣，但卻非常惹味。反而蝦肉那邊辣味較輕，食落啖啖鮮嫩蝦肉卻不失惹味，令人回味無窮。

蒜蓉牛油雞翼 $78

一客四隻，每隻雞翼既都算大隻，被滿滿的牛油蒜蓉粒掩蓋住，未食雞翼前先食左側邊既蒜蓉粒，真係勁香口。

再食埋隻熱辣辣既炸雞翼，滿口充滿著濃郁既牛油香，肉質嫩滑，每人一隻真係唔夠喉，太滋味了。

椰青海鮮炒飯 $128

菠蘿炒飯就食得多，反而椰青炒飯就比較少見。

炒飯入面有不少配料，其實都頗似菠蘿炒飯既配料，包括三色豆、腰果及魷魚等，好香又惹味，據說係用椰青水將飯炒起，難怪每口飯都嚐到椰汁既味道，愛椰汁味既人必試。

馬拉盞炒通菜 $68

食左咁多熱氣野梗係要叫返碟菜平衡下，馬拉盞炒既通菜惹味之餘，通菜食落又夠爽口，整碟好快被清光。

椰汁西米糕 $48

香濃既椰漿底下係大大粒既西米，味道無得輸。

芒果糯米飯 $68

紫糯米飯食落煙煙韌韌，面頭淋上椰漿，愈嚼愈好味，如芒果可再甜一點會更好。

泰園

地址: 尖沙咀金馬倫道23-25A金馬倫廣場2樓A號舖

(港鐵尖沙咀站 B2 出口, 步行約3分鐘)

電話: 3746 9966

營業時間: 星期一至日: 12:00-15:00; 18:00-23:00

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================