|
[尖沙咀] 泰逍遙 ‧ 食泰菜團年餐 ‧ 品嚐新鮮現烤串燒
|
|
糖小妹
2015-02-15
390
0
|
分享
收藏
以前食泰菜既機會唔多，係近來身邊一班閨密都鍾意揀泰菜餐廳作為飯聚地點，特別係荃灣區愈開愈多，傳统又有，混合左西式元素既新穎泰菜都有。估唔到原來泰菜都可以有好多種變化，小妹都慢慢愛上左。
今晚黎到尖沙咀同好友們飯聚，「泰逍遙」就位於諾士佛臺附近，地理位置上還頗方便的。
餐廳的環境頗闊落，坐位與坐位間都唔會太迫狹，唔會好嘈坐得舒服，燈光暗暗地挺浪漫，頗適合情侶撐檯腳。
最前方更有自選燒物及海鮮，價錢大眾化，選擇挺多，感覺滿新鮮的。
今晚我地要左個「泰燒遙團年餐」$1688 (六位)，包括左8道菜式，甜品及特飲，需另加一服務費。而最尾所介紹的三道燒海鮮係唔包括在內的，要注意嚕。
青檸梳打
黎到泰國餐廳，最鍾意就係飲青檸梳打，貪佢酸酸咪咪夠晒解渴。
風生水起 (泰式撈起)
泰國出名菜式撈起，將配料都切成絲，再把它們排得靚靚的，很整齊。材料包括有洋蔥絲、蘿蔔絲、青瓜絲、車厘茄、蝦肉、青口及魷魚條等。
之後將附上既泰式醬汁淋上，再將全部配料拌勻，一路撈起即可。就像涼拌沙律般，帶酸酸咪咪開胃的味道。
包羅萬有 (泰式燒烤拼盤)
唔係一般大路既泰式拼盤，換來一個比較新穎既配搭：泰式鮑魚、大蝦串、炸蝦餅、燒豬頸肉及泰式沙律。
泰式鮑魚配上的辣醬味道頗強勁，鮑魚質感爽彈。而且為方便享用，店方也細心的把鮑魚一開三，再把它們砌回在殼上，保持賣相。
燒豬頸肉更用上西班牙黑毛豬所製，食落香口，肉質又夠彈，好好味。
大蝦串燒得唔錯，食落仍保持著水份，蝦肉鮮嫩，同樣帶有微辣。
鴻運當頭酸辣湯 (海鮮酸辣湯)
即是冬蔭公，入口先來一陣香茅味，再來陣陣酸辣的味道，還頗辣的。而且海鮮材料很足，小妹仲分到半隻開邊龍蝦，好滋味。
消遙發財爆炸魚
一條已原隻起肉，再拎去炸既盲鰽魚，所以食落啖啖肉，配埋炸香左既香茅一齊食，魚肉炸得鬆軟頗嫩，味道似平時既椒鹽港式小炒，帶微辣惹味。
發財就手 (泰式豬手)
份量十足既豬手，以滷水汁所熬煮，煮得相當軟腍，很容易便能切開。如果怕食外面層骨膠原，都可以只挑選
鳳凰展翅 (泰式原隻去骨海南雞)
原隻去骨海南雞，肉質嫩滑，配埋泰式醬更添滋味。不過所配的油飯卻不夠香，得個油字，味道一般。
財源廣進 (香蒜豆苗)
一向鍾意食豆苗，用上香蒜炒食落相當惹味。
老闆素翅撈飯
感覺好似d大老闆咁食個魚翅撈飯，不過呢個係素翅啊。同埋白飯撈埋一齊食，味道唔錯，感覺又很特別。
甜在心 (甜品拼盤)
入面有數款泰式甜品，包括馬豆糕、椰青汁糕、黑白糯米飯、泰國芒果。而馬豆糕有分椰汁味，芒果及咖啡味。竟然有埋咖啡味，感覺怪怪地，但食落陣陣咖啡香，同馬豆又幾夾啵。
黑白糯米飯入口硬左少少，不過所配既椰汁相當濃郁，好邪惡呀。泰國芒果絲毫無一絲既酸味，很清甜，最重要既係完全無浸過糖水。
燒大扇貝 $50/隻
五十蚊隻既大扇貝肉質頗厚身，而且燒得唔錯，食落爽彈鮮甜，仍鎖住水份，好味。
燒大蜆 $100/5隻 及燒蟶子 $42
海鮮類都燒得唔錯，都能保持住鮮甜的味道，比想像中有驚喜。
泰燒遙
地址: 尖沙咀諾士佛臺1號5樓
電話: 2721 9898 / 9249 9422
營業時間: 星期一至日: 15:00-02:00
(港鐵尖沙咀站 B1 出口, 步行約5分鐘)
================================
(喜歡的，請按讚支持，是給我很大的鼓勵啊
感謝 糖小妹 提供以上資料 糖小妹的網誌: http://concon2016.blogspot.hk/
|
~END~
| 商店 | 泰燒遙 |