話咁快又踏入新的一年，2013年的食文尚未出的還有很多 .....
而2014年的食文又開始在堆疊 ..真要把這懶惰的習慣改掉，新的一年真係要快快出文才行! 

元旦日，由於比較晏起床，所以第一餐便直跳到是午餐。和Y小姐約好要到旺角馬德里試試，地點尚算方便，地鐵站一出行約5分鐘都唔使，就在沙嗲王和波鞋街附近。

馬德里的門口掛了大大個紅色橫額，寫了「金茶王比賽冠軍」，還寫了必試推介有咖啡、奶茶和鴛鴦呢，看來是這裡的招牌飲品。

用餐環境不算闊落，紅日照常提供午市套餐和商務扒餐，午市套餐價錢不貴，已包餐湯、餐茶及主菜，我們要了一份午市套餐，主菜為煙三文魚白汁燉飯；另外要多個商務扒餐，散叫多個肉醬焗薯。

先來了兩條麵包條和羅宋湯(餐湯)，餐湯看上去時感覺很稀，幸好飲落味道不淡，帶點微辣的味道。

跟餐另加$12的水蜜桃綠茶

煙三文魚白汁燉飯 (午市套餐) $5x
這套餐其實幾抵食，又包湯同飲品。整碟飯的份量很多，足夠兩個人分享，不過燉飯煮得未夠軟糯，白汁的味道單薄，整體味道較為清淡，不過配上的煙三魚份量也滿多，以這價錢來說是收貨了。

商務扒餐，我們要了紐西蘭肉眼牛扒配薯菜 (蒜蓉汁) $108

想不到也是同樣大份，不過咁大份好味就話，唔好味就好浪費..
牛扒大約有4塊，份量都係比較大，配上一些薯塊和蔬菜，驟眼望落去真係唔似牛扒，此肉眼扒相當薄身，咬落肉質超級鬆，相信是落鬆肉粉過龍了..也沒牛味可言，Y小姐食左一塊都頂唔順，究竟這係豬定牛扒? 真係傻傻分不清楚，我寧願牛扒份量小但質素好，也不要大堆頭的但不知在食什麼...

肉醬焗薯塊 $38
這薯塊係成餐之中比較好味的，份量同樣多，而且焗得夠香，$38真係相當抵食。由於先前不知這裡食物的份量如此大，所以食到這裡已經開始飽了。

元旦第一餐真係好麻麻，食完係到喉唔到肺，個主菜牛扒真係超級失望，中伏感很重...因為那個牛扒，要奉上首年第一個負評..

最後，又要繼續搵D飯後甜品填補下心靈。

馬德里  Madrid Cafe
地址: 旺角山東街50號1-2樓
電話: 2780 2668
營業時間: 星期一至日:09:00-23:00

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================