話說小妹的公司在上環, 常常聽到同事話落去"老地方"食飯。心想..邊度係老地方? 究竟佢地成日去既地方係邊? 原來就係講緊公司樓下的「老地坊」...這有點在講爛gag的感覺! (逃)
在上環工作三年多, 幫襯老地坊的次數確實不多, 一來價錢不便宜, 二來小妹較喜歡周圍覓食! 但唔講唔知原來老地坊是食京川滬的, 聚眼睇會以為係一般茶餐廳, 真係有估佢唔到的感覺!
話說某天放工後, 和同事看到下午茶餐竟然做到6:30! 小妹放5:30仲可以享受下午茶餐的優惠, 大喜! 和同事決定在這吃晚飯。這段時間人流不多, 服務員也比較輕鬆! 看著下午茶餐牌, 種類認真不少, 有川滬風味的、三文治類、法式牛角酥、蕃茄類、鍋氣飯類、芝士撈麵、熱狗類、奶油豬類..真係講得出既都有得叫! 剩係芝士類都有撈麵和通粉、更有芝心西多士...(小妹決定下次一定要黎食這西多士)! 價錢不貴, 確實吸引。
餐廳環境十分闊落, 亦有數部LCD TV可觀看! 牆上貼著不少雜誌訪問, 菜式照片, 連日本雜誌也有造訪, 果真厲害!
最後叫了雞扒擔擔麵配凍檸茶 $32
雞扒和擔擔麵是分開上的, 望落這餐只需$30確實抵食! 雞扒連皮一起炸至金黃色, 雞肉質感幼滑, 連同外層薄薄的雞皮一起吃也不感肥膩, 質感酥脆, 配埋炸蒜頭和蔥花一併享用確係十分惹味!! 是有水準的炸雞扒!
擔擔麵用上幼身上海麵, 可選大、中、小辣, 分量對我來說剛剛好! 湯底雖有花生香, 內裡加了芝麻和蔥花, 但略嫌花生香未夠濃郁, 如可再濃些必定更加惹味!
再以一杯凍檸茶少甜作結, 不錯!
幾日後, 自己又來食下午茶餐, 叫左雞扒芝士撈麵配熱華田 $30
一個麵餅的份量配上數塊雞扒, 雞扒同樣是炸得皮脆肉嫩, 倒是撈麵的芝士汁, 芝味較淡, 有點白汁撈麵的感覺較失望。而且芝士汁份量較少..不足夠撈起整個麵餅, 整體麻麻。
熱華田
最後, 不得不讚的是侍應們的態度十分Nice! 特別是落單的阿姐和傳菜的大叔, 兩次到來都活力十足、笑容滿面, 值得一讚!!
老地坊小館 Old Place
地址 : 上環干諾道中138號地下
電話 : 2851 1220
============================================
感謝 糖小妹 提供以上資料
糖小妹的網誌: http://concon2016.blogspot.hk/
============================================
|
