|
晚飯@鼎泰豐~
|
|
helenhlblog
2015-07-30
726
0
|
分享
收藏
| 之前老公有興趣聽一個關於如何處理失眠的講座, 於是就陪他一齊聽~ 內容都不錯, 講者都講得幾生動, 不過大部份都是一些我們聽過或看過的知識, 例如想睡得好, 臨睡前唔好玩電話、電腦, 早些調節房內的燈光成較暗的環境、多吃幫助睡眠的食物或飲品 (例如香蕉、果仁、牛奶、洋甘菊茶), 做一些放鬆身心的運動 (例如瑜伽), 或者學習一些放鬆自己的方法 (例如腹式呼吸、肌肉放鬆法), 所以當係溫書啦~~ 聽完之後, 就在附近找餐廳~ 知道美麗華商場的鼎泰豐開業不久, 上去看看, 果然唔駛等位, 於是就試吓~ 以前行過新港中心想食, 試過2次都好多人等位而放棄, 依家開多間分店係好事~ 
印象中, 幾年前在台北食過鼎泰豐時, 好似冇呢張教人如何食小籠包的指引 (定係我記錯呢?), 一見到覺得幾有趣~ 
嚟得呢度, 當然要食小籠包~~ 可能台北的出品真係好吃一點, 感覺上雖然味道都唔錯, 而且皮薄得來又不易穿, 入面都幾多肉汁, 不過好似印象中的台北出品仍是好食一點點~ 但水準算唔錯, 好過好多香港的上海式食店~~ 
叫了一個肉絲蛋炒飯~ 份量不大, 不過正合我們心意~ 味道也不錯, 飯不算油, 炒得乾身又不太鹹, 合格~ 
最失望可能就是這塊酥炸排骨~ 豬扒的肉很薄很乾, 感覺上不太好吃, 但這樣的一塊豬扒幾乎50蚊, 平時去其他食店已包多一碗麵……下次唔好叫呢個啦~~ 這間分店面積幾大, 不過可能真係好多人, 成個場都幾嘈雜, 我們都要提高聲線來說話, 失去了悠閒感, 不過侍應的服務就不錯, 很有禮貌~ 埋單2百幾蚊, 要計加一同茶位每人9蚊, 中等價錢啦~ 後來, 我們又有機會去了新港中心的分店, 看看小籠包係咪比美麗華新店好食啲~ 似乎真係, 覺得個皮似乎薄啲好食少少~ 
當時仲食咗一份炸醬撈麵~ 這款是不辣的, 豆卜、豬肉同醬汁的味道唔錯, 幾好食~~ 
之後, 我們叫了菜肉包、豬肉包同香菇包各一個~ 上枱的時候發現原來幾大個, 可是…… 
可能我食慣的菜肉包是用韮菜做的, 這個不是 (可能是薺菜吧…), 所以覺得不太好食, 而且菜肉包入面竟然只有菜, 冇肉, 唔開心……另外的香菇包是素包, 薺菜加冬菇粒, 都係覺得麻麻哋好食……比較好食的是豬肉包, 可惜豬肉份量不多, 包多過肉, 麻麻……下次又係唔好叫啦, 成16蚊一個架……去傳統上海食店買仲抵食~ http://www.dintaifung.com.tw/tw/default.htm http://www.openrice.com/zh/hongkong/restaurant/%E5%B0%96%E6%B2%99%E5%92%80-%E9%BC%8E%E6%B3%B0%E8%B1%90/177644?tc=sr1
感謝 helenhlblog 提供以上資料 helenhlblog的網誌: http://helenhlblog.blogspot.hk/
|
~END~
| 商店 | 鼎泰豐 Din Tai Fung (美麗華店) |