今 日又約咗一班同事執膠，我哋今次去愉景灣。估唔到最後係四個人出發。我哋搭12點船由中環去愉景灣，半個鐘左右就到。愉景灣有兩個海灘都受膠粒影響，一個 係唸樹灣，一個係三白灣！因為唸樹灣太近鐵皮屋，加上又曾經去過，所以我比較想去三白灣，大家都ok，落船望吓地圖，就決定沿海岸線行！點知行咗四個字原 來無路，最後出返車路，沿住6號車既路線，去到一個隧道口，原來過埋隧道就係愉景北中心，呢度有惠康，同埋一個十室九空既商場，行都行咗成個鐘，所以我哋 去惠康補給吓先！跟住之後就去咗海灘，開始我哋既執膠行動。

呢個係愉景灣海灘，並唔係三白灣

落到沙灘，有一個 DB Clean up 既外國人解釋咗邊度有垃圾、膠粒！眼下所見，唔算有好多人做清理，大概十幾二十人左右姐。佢哋唔止執膠珠，仲會執垃圾。的確係岸邊既垃圾又真係幾多。我哋 揀咗一個樹下地方，放底行裝，就開始執膠。估唔到呢樣活動係咁辛苦。首先係炎熱既時間，面對猛烈既太陽，最怕曬黑、又怕曬暈，所以全程擔遮。第二無櫈坐， 全程踎底再望住地下執膠，完全體會踎底起身見頭暈，同埋腳脾既情況！加上用任何工具都唔好得過用手，所以途手做嘢係最快。執啊、執啊，其實時間過得好慢 lor！最後我哋執咗兩個鐘加15分鐘，執得俾佢哋上次係石排灣多，仲要少兩個人添！藍色膠杯都放唔到！

執好晒嘢，我哋就選擇搭巴士回東涌，其實都幾攰吓！行咗一陣東涌就返屋企lu！

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/