又是踩單車既日子，今日大家原先約好係大埔等，不過為了多多練習，所以我由大圍出車，不過遲咗所以roy 係馬料水等咗我好耐，最後去到大埔，Thomas & Ivy 都食完嘢啦！但我哋又要坐底食，攪到12點幾先起行。

有Roy 帶路真係高興，唔駛理點行，最緊要去到目的地。我哋出咗大埔，就去咗太和道，一路踩，過埋梅樹坑公園，就轉咗去一d農村既地方，呢度有條天橋影起條鐵路都好靚。

跟住入村再踩一條幾平坦既馬路，附近好似叫元嶺村，之後又唔知點，好似已經到上水，再踩返單車路，不知不覺已經過埋上水，踩入河上鄉。其實係沿住東鐡線 行。最遠既位既係平日火車係羅湖前停底既位置，望過去羅湖邊境大樓亦非常行。而入河上鄉條路，原來係跟住條雙魚河，成日以為馬會d 地方有好多馬添！原來真係一條河。(後來知道原來食豆花嗰度再入，就會係樣馬既地方，第二時有機會要再入埋去啦！)

大約用咗兩個鐘左右既時間就入到去河上鄉，用$10任食豆花，再買埋腐乳。呢度真係大家既落腳點，除咗好多單車友休息外，跟團既都會係度停。食完就沿路返出 大埔。Helen 第一次參與應該驚驚，佢係大埔就行車，我哋就繼續沿返吐露港出去大圍，大約7點既時間返到去大圍。我足足踩咗7小時，行咗60公里，勁！不過唔多d 練習，去台灣跟唔上David 點算！

還完車，就係大圍食埋飯返歸，我哋發覺次次最後都係我哋4個食飯。的確食過好多次，但記憶最深都係牛頭角下村嗰次。同埋好似食小菜飲啤酒既機會最多。 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/