今日陳慧敏終於join我練山啦！毅行者既四人加埋Jonah、陳慧敏同埋wendy既兩個朋友，總共八人一同出發。今日約得超早，我哋約8:30係荃灣地鐵站等。因為今日既路程都唔短，係16公里，行10小時既路段。

等齊人搭小巴去到城門水塘落，跟住沿車路經過水壩，終於行到我哋今日既起點，麥理浩徑第七段。一嚟就不停咁上石級，呢條果然比喻為天梯，都真係幾甘，不過 與第三段比，仲差少少。係三十度既高溫下上山，真係少d體力都唔掂！不過今日Lucy 姐好勁，佢好有節奏地，雖然係慢慢嚟，但係以唔需要停既速度，係唔係上啊上啊！反而今日陳慧敏好慢，佢似好辛苦先行完d樓梯，又以為肚餓，點知食完又想嘔 咁！夏天最恐佈就係個太陽。

行完樓梯，望到前面就係針山啦！佢樣貌十足蚺蛇尖咁，咁熱上山都真係好辛苦。係咁行行行，好快就上到山頂，都叫 ok 既！不過其實企係山頂都幾苦，因為超曬！不過望返水塘又好靚！景觀唔錯。

落山就超開心啦！係一級一級石級路，唔知呢期攪咩呢，落石級快咗！都好，balance 吓d時間啦！落到山腳係停機坪，又再抖咗一陣就起行。唔係行多好遠，居然已經見到沙田古道既牌面啦！陳慧敏同wendy 既兩個朋友就出沙田離開啦！

以為過咗呢度好快會行到去鉛礦坳，點知原來一路行車路都有排，最攪笑我哋差唔多去到鉛礦坳，發覺有三支標柱無見到，先發現其實我哋無上到草山，我哋只係一心行去鉛礦坳。上少咗嗰山，所以快咗，慘啦！真嗰時點算，針山、草山、大帽山。

去 到鉛礦坳，我哋就停得比較耐少少，食吓嘢、拉吓筋、抖下咁！我哋就繼續向大帽山出發。好第八段麥徑啦！一嚟當然上山，呢段路俾針山輕鬆，不過成點鐘既太 陽，想死！行行行，都上咗幾耐山，要過咗好多大石，我哋又停吓停吓咁，終於應該叫做到頂。接住就係一段比較平既山路。跟住望見大帽山頂既天文台啦！不過唔 知邊個講話唔駛去到頂，所以都無理，見到落山咁，又超開心啦！

不過落咗少少，係嗰亭到停底，休息完後，其實噩耗又嚟！因為開始上斜，同埋最高既天文台，我哋係要上到去架！

係兩點幾呢d咁既時間上斜，仲要對住嗰太陽，真係唔掂！所以剩咗既退熱貼，我都係攞埋嚟用啦！的確係好少少！不過再係咁樣晒住上斜真係好辛苦。去到望住流浮山，西部橋既時候，我仲出動埋曼秀雷敦，果然薄河令額頭即刻好舒服！醒晒之後，我又繼續行呢條長命斜啦！

終於去到頂峰，見到天文台啦！可以真正落山。落山條路都幾靚，十足秋名山，俾人片車咁！我哋一開始跟隨人哋想跑落山，但幾 L 水，每跑一步乘大十倍咁，跑兩步放棄啦！

佢哋先頭話跑到山腳係4個字，而行都係9個字，但我哋行咗成個鐘有多，先去到荃錦公路，真係慘！但16公里既路程，終於8小時完成，可以飲可樂！

但最後落山嗰刻，lucy 狂話眼好乾，完之前，仲見到佢口唇係白色，乾得好緊要，其實佢嚴重缺水，佢都要抖返好耐先可以再起行，同埋搭車走都feel到佢無咗電，下次真係唔好理口乾未，都應該每停底都飲吓水！ 

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/