天 文台一路都話復活節星期五落雨，點知由瞓覺到起身一刻都感受唔到，真係火，攪亂晒d schedule！不過之前都玩通宵，雖然我嗰心好想行馬鞍山，但行行下死咗，都唔知點算！都係影吓相算！本身唸都係話上山頂或者之後提議既南生圍。最後 都係山頂啦！我哋相約咗三點出發，未出發時係屋企好醒，瞓咗三個幾鐘都瞓唔返，但一出到街，周公好似約打牌咁，攰爆！

Per真係好好，渣車車我哋周圍去。我哋去到山頂應該係4點幾。雖然無雨，但真係影相既時候先發覺一層薄霧咁！影d嘢唔清！今日見有車坐帶晒兩部機出動，不過都係狂玩GF2，又可以試枝40-200。

上到高點盡頭話係私家路，咁唯有折返啦！落返去山頂廣場，泊好車，行咗一陣見到GOD 啲舊家居展，影吓相後，就起行圍繞山頂一周。

山頂都真係無咩花、樹影！要去到後尾見到維港景色先有d嘢睇！

係記得Per 形容，not 荔景，係例景！

Set 好腳架影呢個例景，都未試晒d 快門，就開始有微雨既感覺。唯有走啦！

離開山頂，我哋去咗九龍城食飯！有車真係唔同d，去邊都得！去咗街市上面食，其實都幾好味，不過位位$130都唔算平wor！
食完就返歸！