第一次去麻蒲，係咁岩見到雜誌報導佢地既韓國大熱芝士豬肋骨，所以即刻約左同事一齊去潮聖，但當時其豬肋骨既味道並未讓小妹覺得驚艷。

今次再約友人去係諗住主打食烤肉，餐廳的環境同大多韓式烤肉店差不多，每張檯底下同樣可以比客人放袋。不過呢度既坐位間較為闊落，而且感覺唔會好嘈，最重要係抽風系列做得唔錯，燒完都唔覺有成陣油煙味。

先黎數款涼菜，醃青瓜蘿蔔、醃白蘿蔔、泡菜，仲有個雜菜沙律，另有提供生菜讓客人包住烤肉黎食。小妹好鍾意佢個醃白蘿蔔食落清甜又多汁，好開胃；另外仲有邊爐蛋，味道還好，未算好滑，而且食完無得免費再加蛋漿，有點失望。

餐牌選擇分為牛肉類、海鮮、豬肉和熟食等；亦有招牌既八色烤五花肉同芝士烤肋排骨。最後我地要左兩份烤肉同一個湯，呢度既烤肉份量都唔少，開頭仲怕會唔飽，到最後都夠飽。

烤特大牛排骨肉 $250

整件起既牛排骨肉，整塊落去燒，再將其剪成一塊塊。經醃過後，入口味道甜甜的，肉質較厚實但食落頗爽彈，好惹味。

烤特級雪花牛肉 $195

鮮紅色的雪花牛肉，有明顯平均的雪花紋。不過碟牛肉開頭係由店員幫我地燒的，但燒得好似有點失手，燒到有點微焦同過熟，味道又帶點焦味同韌...

後黎自己動手燒，燒到岩岩熟，咬落肉質軟腍又有肉香，點埋韓式辣醬，又幾好味啊。

豆腐海鮮湯 $80

呢個海鮮湯飲落好惹味，就好似泡菜湯既味道，入口帶微辣，仲嚐到濃郁既蝦味，材料有蜆、蝦、豆腐、雞蛋、金菇同泡菜等，仲配埋一碗白飯比你添，味道不錯又頗足料的。

麻浦韓國料理

地址: 尖沙咀亞士厘道35號九龍中心地下B舖

(港鐵尖沙咀站 L5 出口, 步行約2分鐘)

電話: 2321 3213

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================