轉埋車去到青雲站就開始行啦！其實一開始都係行少少斜路，未有行山feel，到一條車路，超斜，行上去就到青山古寺。我哋猶豫下都入咗去睇，係寫住青雲觀既石影吓相，或者望向屯門既景色。好！過咗古寺開始行樓梯啦！

去到有個分叉位，選擇向右行，但都係行樓梯。

由青山古寺行4個字，見到有電纜塔，而望出去既屯門亦好大，雖然好濛，但都見到好多屋，唔知咩邨乜邨啦！

再繼續樓梯行行行，幾分鐘後又見到另一個建築物，都係電乜啦！好，又要繼續行樓梯啦！

開始行既樓梯唔係咁完整，可能係一d大石，同埋沙石，不過都好ok。

其實再咁樣行，都係行多35分鐘樓梯就到頂啦！眼前山頂第一個建築物，係個亭，叫做韓陵片石，不過唔知咩意思。

我哋過咗嗰亭，望見前面既山，好靚啊！估唔到香港既山脈既靚wor！呢度係唔係真係香港嚟架！點解無人講過既！

我哋四個都好估唔到呢到會咁靚！同時埋怨點解今日天色唔好，如果係藍天白雲咪更正！

我哋係唔同既位都影咗好多相。不過最攪笑係山頂有健身室。有幾個石啞呤。我哋呢d咁癲喪既人，當然係呢d物件上狂玩啦！

玩完一輪後，又狂影相後就出返去。上去舊石到睇！先頭發現唔知點樣上石，唸住走！點知阿per 好快就搵咗條路行咗去停機坪處。呢度又有條路通返去健身室，我哋當然係咁靚既景又玩咗好耐啦！

影完呢邊，就走上最高處既建築物同埋個座標影相啦！我哋total 係嗰山頂玩咗一粒鐘，就原路落返去啦！落樓梯好似快好多，行咗一個鐘已經去返條斜馬路度啦！

慢 行出返去後，搭輕鐵落去元朗。係輕鐵站我哋都影咗一輪架！不過搭輕鐵真係好辛苦。首先屯門去元朗，搭咗好耐咁！架車又迫，仲要唔夠空氣咁，加上勁搖，完全 係暈車浪。出到元朗又勁多人，仲要搵嚟搵去都唔見咗條食街，算啦！醫咗吐就算啦！食完唸住再去聚星塔，但又唔鬼搵到，搭返西鐵走啦！

感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/