今日約咗ivy 同維珍去影相！我哋揀咗條好短，但又有瀑布既地方。咁就可以運用我哋學到既攝影技術。

我哋約係PP等，好快就有車。不過去到上環勁塞。攪到三點半先落車。落車行入去水塘，會經過騎術訓練學校。行多一陣就已經見到水塘。同埋遠望見到山頂。果然係好短，一個鐘既路程。

繼續行，見到有比較勁d既水流啦！最重要係見到有人set 腳架影相姐！於是我哋行咗入去影。水流係急d既，不過唔叫得上係瀑布lor！我哋入到去set 腳架，好輕易又影到嗰d如布般的水。

除咗似布既水，影水珠都係一個功課。但影水珠要用好快既快門。以我支天涯鏡，咁普通，光圈唔夠大，所以影出嚟都會好黑。好在佢流水既位，無咩遮擋，都叫做影到吓啦！但係唔寫都唔知係邊度影出嚟！

影完一輪之後，執起腳架繼續行。係前面都見到d流水，不過圍住出唔到去。亦都唔覺得同之前有幾大分別，所以只係影咗兩張就走啦！

開始上斜行上山！已經再見唔到水流！(好在之前有set 腳架，唔係全程無用添！) 跟住都好似無咩特別嘢影咁！係去到中段，我哋放慢咗腳步，開始不停揚天，影吓樹葉波點，同埋周圍d古怪嘢！

左邊呢張就係影波點

  

呢張係影嗰果實既表面層毛，而後面同樣有波點！