|
行山 - 萬宜水庫
|
|
vi老篤日記
2009-05-31
1463
0
|
分享
收藏
| 今日同Carol & Celina 行山，原來我哋上次行已經係二月既事，不知不覺咁耐。我哋今日約好行北潭涌至浪茄。由鑽石山搭巴士去到上窰落，大約都攪咗成粒鐘，去到一路行馬路，好快就見到麥里活徑起點。 係度睇咗嗰地圖一陣，發覺應該係繼續行馬路。果然係一路行馬路，跟住就見到呢個牌。 不 過今日天氣麻麻，雖然唔係好熱、好曬，但就有d焗，同埋有層薄霧咁。不過最難頂都係一路係行緊條車路lor。雖然由北潭涌開始係限制車輛姐，不過的士係無 影響，所以唔可以成日係馬路中心行，每個字都有架的士駛過。一路一路係咁行，行咗一個鐘，去到一個壩，左邊仍然係萬宜水庫，但右邊望到創興水上中心，同埋 出面大海。見到有人玩wakeboard，攪到都好想玩水上活動添！ 跟住仍然係嗰條車路，我哋繼續行多40分鐘，有嗰牌寫住去北丫村同東丫村， 因為佢兩個都肚餓，又見到似係有嘢食，所以我哋就行咗落去，雖然寫9個字，但係唔駛半個鐘就落到去，果然有嘢食，仲要係海鮮，同埋係海膽養殖場。我哋每人食咗一個海膽刺身，跟住仲見咗海膽炒飯同星洲炒米。最緊要係飲可樂啦！ 食完要沿路行返上去，真係落山容易上山難。唔係應該係落樓梯容易，上樓梯艱難。跟住我哋繼續沿車路行去，去到萬宜水庫主壩。首先有個藍色紀念碑。 跟住繼續係條壩行，行咗四份三見到有條樓梯落壩，當時有人叫我哋一定要去右邊洞口，同埋睇左邊既岩石。我哋就走咗落去。 我哋行去右邊果然見到有人攀石過去，以我呢d咁好勝既人，一定好想過啦！好在Carol 陪我。 呢 個決定係令到今日行山之旅留下最驚險同埋最心刻既印象。過咗去之後，見到一排排好似紀念碑形狀既怪石，同埋窿，好快行返去另一邊，上返斜路去返主壩。去到 呢度已經係4點半，再行浪茄要一個鐘，所以我哋放棄。係呢度好多的士，我哋就搭的士出返去。行入去要三個鐘，但係出返去西貢碼頭都唔駛3個字，唉！ 不過一出到去我孱弱既身驅又唔掂檔啦！勁頭痛啦！所以要同佢哋即刻分別，然後衝入廁所嘔，feel到嘔返晒d星洲炒米lor。不過嘔完就舒服晒，係嗰頭仍然勁痛。我最後都係搭旺角小巴，因為快，又唔駛兜，仲係花墟嗰頭落，可以望埋d花樽先返屋企。
感謝 vi老篤日記 提供以上資料 vi老篤日記的個人網誌: http://vivi-1212.blogspot.hk/
|
~END~
| 商店 | 西貢東郊野公園 |