我哋11點鐘由荃灣地鐵站出發，一路行去愉景新城，跟住就上去港安醫院。原來由地鐵行去港安都幾遠架！去到港安正門，就見到斜對面條樓梯，有個牌寫住元荃 古道。係呢度開始行已經好甘。因為勁多樓梯級，一路都唔知行咗幾多級既樓梯級啦！(應該over500，仲要係斜路上山wor) 都未去到山頂，就換咗係行斜路。不過行到咁上下，即係已經高過d大廈，就見到有一間屋，仲有人添，佢種晒田，又有菜，係咁市區既地方都居然有人種嘢！最攪 笑係佢呢嗰位望落去，仲係見到一埋大廈，真係唔知佢呢廿年睇住荃灣既變化又咩感覺。繼續行，原來發覺唔止一戶，原來仲有幾戶人家添！到底點返屋企架，係唔 係有一條車路呢！

當過埋呢個村落，再不停行斜路，就見到website所指真正既元荃古道起點。有嗰指示牌及地圖。我哋係度睇地圖時，研究緊行咗幾多，同埋去到田夫仔落深 井，跟住有嗰人係我哋隔離話，呢度呢度好靚，行去元朗就過咗呢個點要行十幾個山頭，同埋行呢度可以去屯門，佢話行屯門係望水，同埋平路好行d，所以我哋經 佢指點就決定行去屯門。

係呢度都仲要繼續行斜路。不過行咗一陣應該係麗城過d，已經見到青馬大橋，但係今日嗰景唔清，差咗少少。

跟住我哋繼續行去到疑似山頂就見到有嗰亭，教我哋行嗰個人係度休息，仲話佢補充完會同我哋一齊行。撞你嗰鬼，3唔識7跟嚟仲咩啊！真係俾celina講中咗。過咗嗰亭，有嗰牌我哋停底影相，點知係就跟嚟等埋我哋一齊行。

係呢度開始真係唔駛點再上，不過唔知係唔係有外人，我哋講吓嘢佢又搭爹，就住就住，唔係好記得行過咩路添，只係記得行咗一條好多沙既斜路，呢條路真係勁冼，應該著行山鞋先得。