|
泰式 High Tea
|
|
VCY
2015-03-30
668
0
|
分享
收藏
| 今天天文台開放日，遊覽完畢，就近到美麗華商場吃過下午茶。So Thai So Good 雖以泰菜掛帥，但並未留有很強的泰式風味，相反，餐廳走新派路線為主，從其裝潢及提供的 High Tea 服務便可知一二。店內裝潢頗為別緻，並予人悠閒感。因臨近復活節，店內亦多了相關節日裝飾。 一行三人兩大一小，為免麻煩，即選了一份二人用的 High Tea Set，再追加兩款前菜小吃。 金蝦配秘製醬汁伴蕃茄沙律（另加）：秘製醬汁惹味並帶點芥末辛辣味道，金蝦經油泡脆口，幾好食。蕃茄沙律製作簡單，但勝在夠甜夠嫩。 泰式三文魚他他配薄多士（另加）：香茅檸汁口味特別，和三文魚他他食味很合襯，是一道不俗的風味前菜。 煙三文魚紫洋蔥多士：煙三文魚食味合預期，無乜特別。紫洋蔥給力不足。多士已走氣過硬不合格。 鴨肝醬配自家製麵包：鴨肝醬口感滑身，肝香濃郁度中等。麵包當中夾入兩片口感爽脆食味清新的青瓜片，有助平衡肝醬膩感。 脆炸蝦餅配泰式辣醬：蝦餅炸得脆囗彈牙，製作不俗。 豬肉沙嗲串：肉串質感腍中見彈性，只是沙嗲醬略感不足，點蘸上來亦不夠方便。 泰式脆香雞翼：香茅味突出，雞翼酥脆多汁。單枝骨雞翼易於品嚐。 自家製薯角伴香辣芝士蛋黃醬：芝士量足食味配搭吸引，辣度輕微可作加強以添惹味感。薯角本身無乜特別。 朱古力布朗尼蛋糕：朱古力味濃，不過甜實，面上放上一小片紅莓，那份酸感正好調和布朗尼蛋糕的特濃口味。 香芒拿破崙：拿破崙稍稍見實，鬆化度略有所失，但配上香芒吉士醬味道其實好難有得輸。 菠蘿意大利奶凍：未知是否閒置了一會，奶凍質感過稀，一般。 蘋果冰茶：需加$20點選，青蘋果果香OK喇，配上綠茶底味道少了一份甜味，多了一份芳香。 香芒椰子乳酪：亦需加$20點上，香芒、椰子及乳酪三者份量調配恰到好處，不會顧此一此失彼，是小朋友喜愛的特飲。 [28/3/2015; Sat] 題外話/補充資料 餐廳不在免費泊車名單。
感謝 VCY 提供以上資料 VCY的網誌: http://www.openrice.com/zh/gourmet/reviews.htm?userid=92753&city=hongkong
|
~END~
人均
$125.00
| 商店 | So Thai So Good (尖沙咀店) |