意廊意大利菜 SeeWide

沙田食肆人滿之患多時，麗豪酒店內的餐廳是少數例外之一。酒店內的中餐泰菜早已品嚐，今回輪到意菜意廊。貴為酒店餐廳，內裡的舒適整潔度都不用擔心，簡單的西式咖啡室裝潢，配上一個半開放式的廚房，可邊進餐邊欣賞廚師們焗製薄餅。
意廊的相片 - 沙田)

一行人四大一小，為免麻煩簡單點了一個四人套餐，可免費享用沙律吧，另含餐湯、小食、主菜主食三款、甜品及咖啡茶。

自助沙律吧不算太大，有數款雜菜及約十款沙律配菜醬料提供，另有少量火腿鴨胸等供應。各食材普遍新鮮，可滿足基本所需。若餐廳能考慮追加一些海鮮冷盤當然會更吸引。

四人份量的小食拼盤，內有黑椒蜜糖雞翼、香脆蟹肉餅、傳統炸手指魚配他他醬及香烤豬肋骨。黑椒蜜糖雞翼黑椒味雖淡但蜜糖味甜美突出幾好食。香脆蟹肉餅炸得略老火，蟹香不強。傳統炸手指魚配他他醬炸漿外皮雖脆身但略厚，手指魚肉都算白滑。香烤豬肋骨入味腍身調味不俗。

是日餐湯薯仔湯，質感稍身，滑度食味皆普普通通。

主食意式煙肉白汁意粉，餸料份量不多，煙肉香口而不算肥，意粉富嚼勁，白汁濃稠份量剛好，芝士給力亦見滿意。

巴馬火腿牛油果薄餅，巴馬火腿鹹香度不算很突出，配上大量沙律菜用以調和其中口味及予以一份清爽口感。薄餅以芝士蕃茄醬調味，蕃茄濃香芝士出眾。餅底做得夠薄，熱食帶脆。

主菜香草燒原隻春雞配迷迭香肉汁，春雞雞皮不脆，肉質嫩度一般，無乜特別。

是日精選甜品是芒果慕斯蛋糕，芒果慕斯芒香濃味清新，但質感實了少許。餐飲凍檸茶只附上檸檬一片，明顯不足，以青檸汁取而代之，雖富新鮮感，但亦不及追加多幾片檸檬來得簡單直接。

[17/1/2015; Sat]
題外話/補充資料
多款白金咭有八折。

============================================

感謝 VCY 提供以上資料

============================================

~END~

人均 $235.00

商店	意廊 Avanti Pizzeria


(0)	(0)	(0)