最近得知辛安東元祖奶奶雞係荃灣都開左分店嚕，所以放工後就同他一齊黎食個晚飯。仲記得第一間店係近旺角黑布街個邊，有時經過食糖水都見到唔少人排隊，但就一直未試過。

在近入口位仲有個位置係掛上客人寫既評語，鐵網裡掛到滿滿都是，做裝飾之餘，估唔到又幾靚。小妹又好喜歡餐廳的用色，色彩繽紛的，感覺很有活力，是走年青路線。

荃灣店環境都算大，空間感頗闊，但坐靠近牆的位置，可能因放上了碗、點菜紙和餐具後，那張檯便顯得更加細，放兩碟菜都迫爆了。

望望餐牌，發覺元朗119既餐牌都幾似佢，賣既食物有幾款都可以叫做一樣。而主打既奶奶雞就有分原味同芝士味，仲有多款揀就係梨花鐵板炸雞。另外仲有唔少小食、麵/飯、冷盤、主菜等選擇。

Cider Rita 柚子味 $38 (前) 同豐梨味既Dry B Rita $ 48，前者係入口解渴既柚子味七喜，好大杯，飲極都飲唔完。

芝士安東奶奶雞 $188 (半份)

第一次食奶奶雞，仲係試呢款新出既芝士味道的。其實同奶奶雞差唔多，只係面頭多加些芝士，味道其實唔明顯。

除雞件外，裡頭仲有紅蘿蔔、洋蔥絲和薯仔等。

奶奶雞既味道比我預期中好食，醬汁甜甜的，好濃味，又有點似港式瑞士汁。而且雞肉肉質尚算滑，反而底下既水晶粉係小妹至愛，粉條吸收晒醬汁既味道，而且食落彈牙，確係滋味，成碟既粉條都差唔多係小妹食晒，唔知有無得加底呢?

牛肋骨鍋 $88

一鍋內有兩、三件頗大件的牛肋肉，仲有白蘿蔔同芋絲等。其實食落味道滿似港式既蘿蔔炆牛腩，牛肋肉同蘿蔔都炆到夠軟腍同入味，蘿蔔好甜又多汁，好味。

野人韓牛 $148

粉嫩色呈現上的半生熟既韓牛，上面仲加左唔少香蒜粒同蔥，咬落有嚼勁同香口，煙煙韌韌，仲可以沾醬汁食，不過略嫌牛味不重，味道都不算特別。

辛安東元祖奶奶雞

地址: 荃灣沙咀道328號328廣場G5A&5B號舖

(港鐵荃灣站 B2 出口, 步行約9分鐘)

電話: 2234 6118

營業時間: 星期一至日: 12:00-15:00; 18:00-00:00

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================