食過番尋味既老虎咖哩 SeeWide

一直好想同朋友黎食Tiger Curry，今日終於可以如願！
以日式咖哩為主，可以自由配搭辣度、材料等，
之前經過已經心思思想食，門面較似西餐廳，但一入就係另一番景象～
Tiger Curry的相片 - 銅鑼灣)

環境地方尚算可以，但坐位之間比較迫，卡位唔多，而且內裡都較似西餐廳，但店員係日式食店既打扮，入去果時都會以日語作歡迎～
Tiger Curry的相片 - 銅鑼灣)

餐牌有好多咖哩款式可揀選，確實款式多到好難揀，左揀右揀咩都想食，討論左成十分鐘先決定到Q_Q

老虎吼沙律，份量好多！果然要老虎般食量先食得晒，不過$55一大份好抵食，主要材料有生菜，粟米，車里茄，烤雞塊同温泉蛋，落得好足料，生菜新鮮又夠爽，而且其沙律醬酸味較重，食落好開胃～係抵食之選！

金芝年，即係芝士年糕，外脆內軟，帶少少流心感，芝士濃而不膩，好食～

爆脆雞，炸得好香好脆，雞肉大件又夠嫩，可惜味道偏咸，愈食愈咸

一大碗白蒙蒙既泡沫，就好似一碗湯咁，但只有搞一搞。。

可以見到烏冬慢慢浮面，而且更有和牛相伴，有夠吸引～依碗就係白虎喇～

白虎，白色既泡沫食到濃濃既薯容香味，泡沫質感柔滑，而底下則係咖哩烏冬同和牛片，烏冬煙韌得黎又夠香滑，和牛片咖哩味重，有微微辣度，可以分咐店員加辣，又香又夠好食，確實冇嗌錯，值得一讚！

============================================

感謝 chickenandpp 提供以上資料

============================================

~END~

人均 $150.00

商店	Tiger Curry


(0)	(0)	(0)