食得好過癮 SeeWide

又同拉麵迷去食拉麵喇xd!今次佢叫我必點限定天王，
因為佢話食過一次就食上癮，所以又借啲依要我陪佢去食- -
咁我只能捨命陪君子喇～～
拉麵天王的相片 - 紅磡)

依間拉麵天王要轉入巷仔先會有緣見到，平時唔行巷仔既我就破例入黎食野
拉麵天王的相片 - 紅磡)

環境尚算唔錯，而且裝橫都好有濃濃既傳統日本風味，一入去店員既日語歡迎，實在好似致身係日本呢～
拉麵天王的相片 - 紅磡)

點餐款式較少，有4種唔同湯底既拉麵選擇，有白天王、黑天王、赤天王同限定天王，而限定天王係季節限定，款式不時會轉換，令大家有機會食更多唔同款式既拉麵～而且更貼心既係，好多拉麵既細節位都會問要/唔要，實在唔錯～
拉麵天王的相片 - 紅磡)

先睇睇牆上今期既限定天王係咩先～完全係赤紅色既湯底已經有夠吸引，而且係開胃既蕃茄湯底，唔怪得我朋友死都拉我黎食，因為我好中意蕃茄湯底既任何粉麵呢～更何況係拉麵@@

除左角度唔同，實物同張圖簡直一模一樣，湯底顏色非常鮮豔，而且鋪滿一堆蕃茄同蟹肉，份量亦都好夠多，非常吸引！湯底茄味香濃而唔稠，而且舌尖會感覺到帶微微既麻辣，蟹肉細軟又鮮香，配上拉麵非常夾～其他配料味道亦好出，唔會因湯底濃而失色，每個部份都做得好好，同朋友一人一碗，食到好滿足！

溏心蛋，蛋味香濃，食落流心感仍係咀入面，實在有夠和味，麵質粗幼適中，而且非常彈牙，每食一啖都係精華所在！

芝士年糕，外層好軟熟，一咬之下立即有流心芝士，芝士味香濃，加上軟軟既外層確實唔錯！值得一食～
今次朋友果然冇介紹錯，有機會一定再黎一食限定天王～

============================================

感謝 chickenandpp 提供以上資料

============================================

~END~

人均 $90.00

商店	拉麵天王 Tenno Ramen (紅磡店)


(0)	(0)	(0)