喪食蟹腳不停口 SeeWide

同chicken時不時都會黎葵芳行街，依到出名多平野買之外，
野食都好平好多野揀，雖然中途食左唔少野，
但一諗起依到有間幾抵食既放題，就咩都唔理照食～～
最中意既係佢依到有松葉蟹腳xd!!!
夢工房西日料理的相片 - 葵芳)

雖然主打日式放題，但佈置裝橫都較為西式，所以先叫西日料理？
點菜先知原來有得嗌牛扒等等西式食物

放題係半自助形式，飲品同甜品係自己去拎，款式算多，而且有熱飲選擇～
拎完飲品，唔理三七廿一就即刻填表食刺身～

三文魚，厚度適中，有三文魚既鮮甜味，食完仲想食！
甜蝦，肉質幼滑，新鮮得黎味道鮮甜，值得一食再食
松葉蟹棒，味道同蟹柳差唔多，食落有鮮鮮既汁
鮑片，最愛既刺身之一，有口感得黎又好食
帶子，偏細粒，但量多，食落軟軟滑滑
夢工房西日料理的相片 - 葵芳)

黃金蠔，芝士有夠香，令隻蠔冇晒腥味，食落唔錯
雞軟骨，好硬好難咬碎，咬到牙都痛，唔太建議
雞串，食到燒汁味，仍然暖暖地，雞肉唔會太肥
椒鹽海蝦，食唔出椒鹽既味道，普通蝦一隻，都幾新鮮

虎蝦天婦羅，炸得幾香脆，而且海蝦都多肉，不過依個擺法有點。。。xd

大家都加左$68任食生豪同葉松蟹，依個價錢簡直抵到爆，有得食當然要加！
生蠔，鮮得黎唔算腥，多肉得黎又夠抵食，如果有人覺得腥可以加啲茄汁，就會食到酸中帶鮮既味道

松葉蟹腳，又長又多肉既蟹腳，見到就即刻嗌多次，蟹肉鮮甜多汁，識食既話啖啖都係肉～
蟹腳真係會愈食愈想食～雖然食到好污糟但都好值得～

火焰和牛壽司，半生既和牛，和牛幾薄易入口
火焰三文魚壽司，沙律味較重，冇咩火槍噴過果種煙燻味
蟹棒壽司，同刺身果種差唔多，不過係完整版
花之戀，愛食三文魚必點之選，飯唔算大舊，如果冇會更加好
夢工房西日料理的相片 - 葵芳)

仲有好多唔同既小食，其中入面最中意係雞翼，外脆內軟，炸得好香口～

整體感覺唔錯，食物方面都有水準，冇任何漏單問題，不過上菜速度仍可以改善，而且放題黎講好抵食，值得一去～

============================================

感謝 chickenandpp 提供以上資料

============================================

~END~

商店

夢工房西日料理


(0)	(0)	(0)