|
韓烤迷又再一食XD
|
|
chickenandpp
2015-07-09
252
0
|
分享
收藏
| 再次同chicken食炑八韓烤~yeah~ 自從上次食過尖沙咀果間之後，今次一見旺角新開張當然要黎捧場！ 我地又要變成食肉獸去不停食烤肉～ 環境唔錯都幾大，但比尖沙咀既細小小，坐位都幾多，因為早左黎所以我地可以坐卡位～ 同樣嗌左一個烤肉頂級二人套餐，肉既種類同尖沙咀既有啲分別，所以當然要試下睇下有咩唔同喇 我地既烤板已經準備好了～等待期間就先食下前菜開開胃，有沙律同埋一啲泡菜小食 蔬菜新鮮，配上胡麻醬，酸酸的好開胃，另外既小配菜唔單只就咁食，配合埋烤肉一齊食會更加美味 我嗌左杯士多啤梨梳打，感覺有啲伏，好似藥水味唔太建議點既飲品 炑八牛肋骨，牛味好重，而且燒得好香，兩人可以食到好多塊，加上其他配菜一齊食更加好食～ 厚切牛舌，厚得黎有點難咬開，因為CHICKEN中意食，所以好快比佢食晒XD 牛小排，非常好食！經過一段時間既腌製，燒起左佢係非常香口～而且醬汁同牛既味道濃郁，配搭得極之好食～讚！ 大八爪魚，需要剪開腳黎燒，都幾殘忍XD八爪魚好煙韌，而且會食到微微既泡菜辣味 厚切五花腩，用白蘿蔔片包住五花腩食會更加香口！依個食法係店員教的，蘿蔔片既爽脆又食到五花腩果種香口感，令原本既油膩感減至最少，味道更加昇華，實在一讚！ 大蝦，鮮香又美味，蝦肉鮮嫩夠晒彈口，又大隻又新鮮～正呀！ 芝士燒，可以食到最愛既芝士燒～咸咸的帶好香濃既芝士味，食落一啲都唔膩呢～ 醬油蟹，第一次食真係唔知醬油蟹係生食，大開眼界了XD 好多蟹膏！口感好綿，會有少少腥味，而且多食會咸同膩，所以配埋碗飯就岩岩好～一口飯一口醬油蟹，感覺唔錯～ Oreo朱古力綿花冰沬，配左一小杯朱古力醬，整個冰沬好凍，面頭既朱古力完全係硬既狀態，旁邊會有朱古力蛋糕仔，食落朱古力幾濃，而且食落啲會食到麻糬仔，令成個冰沬更有口感，二人食真係會到好飽呢～ 整體黎講，食物方面都唔錯，而且店員會同你互相互動，教我地食法，果然冇介紹錯XD而且時不時會幫我地整一整食物，不過今次竟然冇主動加芝士燒Q_Q（好想食多次XD）
感謝 chickenandpp 提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
人均
$300.00
| 商店 | 炑八韓烤 (旺角店) |