愛上自家ShabuShabu SeeWide

今次去左勝手黎食ShabuShabu，
食過之後愛上左呀~當中有好多愛佢既理由，
就等我一一講解個原因喇～
今次其實係朋友帶我黎擦一擦，原本以為係普通火鍋店，
但入到去就知唔係普通日式火鍋店咁簡單！
勝手的相片 - 銅鑼灣)

其實勝手既位置都算偏僻，要轉個角都先見到，如果同佢冇緣既人可能一直都唔會發覺依到有間火鍋店
勝手的相片 - 銅鑼灣)

我都差啲錯過左，但好彩有朋友帶到黎，緊係同佢有緣喇XD
勝手的相片 - 銅鑼灣)

環境未算好大，大約只可坐十幾人左右，但座位間都幾寬敞，唔會覺得好迫
而且佈置係以枱吧形式分佈，所以對我黎講都幾新鮮
勝手的相片 - 銅鑼灣)

睇一睇meau，火鍋set有4款可揀，而且仲有好多款式既小食，揀好料揀多湯就係等待時候～

每個人都有自家既ShabuShabu湯底，而我就揀左泡菜湯，當然我朋友揀左第二款湯，
好香泡菜味，而且酸酸甜甜，會有泡菜果種微微辣，但絕對接受到！
而且會令到成個湯更加香，食菜既時候特別有食泡菜既感覺，好開胃XD
而且最欣賞既係，個湯底加幾多水都唔會淡味，而且唔會油膩，十級推介！

黑豚肉套餐，最抵食既套餐，豚肉份量夠晒多，而且配菜都好足料，
豚肉好軟身，食落嫩口，而且配上唔同既湯底，味道都會有差異～
所以好中意我既泡菜湯底，加上咁幼嫩既黑豚肉，勁讚呀！

ShabuShabu緊係唔少得烏冬喇，稻庭烏冬有別於一般白色粗身既烏冬，
佢係類似中國既麵條，但口感會再彈牙啲，而且可以食到濃濃既湯底味道，飽肚得黎又好食！

最後叫左幾款小食過過癮，栗米釀雞翼，令到成隻雞翼睇起上黎好飽滿，
食落去都好香口，不過栗米會比較乾身，而且有啲硬

豚肉大蔥串，豚肉依然咁嫩口，而且包住既蔥類都好香身～外軟內爽既口感，兩個加埋好夾～～

食ShabuShabu當然要飲下茶下火喇～烏龍茶唔肥係大家既至愛～

最後甜品就係兩粒雪米磁喇～
整體黎講，環境同服務都唔錯，食物做得好出色，但價錢方面會較昂貴，而且食前要BOOKING，如果唔係好大機會冇位，所以只能隔幾個月食一次Q_Q

============================================

感謝 chickenandpp 提供以上資料

============================================

~END~

人均 $500.00

商店	勝手 Katte Shabushabu


(0)	(0)	(0)