|
食肉暢飲！大快朵頤！ＹＥＡＨ！
|
|
chickenandpp
2015-04-15
321
0
|
分享
收藏
| PP同chicken本來就係愛肉人士，所以難得考完試就緊係賀一賀喇！ 為左滿足我地既食"肉"，又唔想去到山卡拉咁遠， 揀左近近地又可以瘋狂食肉既炑八韓烤 環境幾大，不過室內密封唔透氣，食完一陣油煙味 但食得韓燒就預左有味xd 同chicken一坐低，有位服務生就行過黎幫我地爐邊放泡菜蛋同芝士 上次韓燒見識過一次泡菜蛋，不過今次有燒芝士更加吸引我！（芝士迷） 而且每次食晒，服務生經過就會問你加唔加，服務good! 我地都唔係好知有咩食，所以叫左店員黎幫我地講解一下 店員推介我地食佢地既必食之選－韓燒大餐， 見價錢ok又多野食就即刻嗌左烤肉餐xd 前菜都幾多，不過中意食既唔多，沙律配胡麻汁好夾，成盆食晒， 生菜我會用黎包住舊肉食，可以去油膩感，而且口感完全唔一樣，另外用黎抹爐去焦都好有用 其他泡菜，芽菜較少食 主菜烤肉餐黎到，心裡面不禁哇左聲，好多肉呀！！ 而且份量同種類都幾多，第一時候即刻燒喇！ 乜都燒啲，最緊要就係燒熟後，用交剪剪開一小塊，大家share一齊食先滋味 虎蝦易燒而且好鮮，口感唔錯 其他地方好少食到既牛笑臉，肉質超幼嫩，而且味道帶甜唔會油膩，用chicken搶住食，必食呀！ 特製雞肉，腌得幾香，不過味道唔算出 大大塊既特級牛肋骨，牛味幾重，而且好快熟，建議可以燒到7成熟，juicy得黎又鮮嫩 食完盆大餐但仍然唔夠喉，所以就嗌多碟霜降牛小排，個名好霸氣haha"霜降"xd 牛味比牛肋骨更重，但肉質會韌啲，油標得好勁，我個人較喜歡牛肋骨，而且都幾貴 帶子大大粒，不過好邪惡，燒幾下已經痴晒低，建議最後先食，可以唔洗食食下換爐 燒到金黃但內裡未全熟，未試過成功燒到一隻全熟xd肉質厚，一啖過好正，不過咬開生生的q_q 好中意佢個燒芝士呀！加左兩次，雖然等待既時間算耐，有時等唔切直接放係燒肉個位到燒xd 口感好似熱溶芝士咁，芝士既咸味配栗米甜味，真係食幾次都唔厭><
感謝 chickenandpp 提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
| 商店 | 炑八韓烤 (尖沙咀店) |