|
一試難忘的黑蒜湯底沾麵 @ 俺之沾麵專門店
|
|
sky_0721
2015-06-07
318
0
|
分享
收藏
上星期上完堂後, 四圍行下揾地方食午餐, 無意中發現這間位於北角蜆瞉街的拉麵小店. 叫俺之沾麵專門店. 這間店比較細, 真係不望清楚分分鐘睇漏眼. 入到店內, 侍應先奉上餐單, 可以選擇麵和义燒的份量, 筍和蒽的多少, 要不要蛋, 除非你額外加嘢, 否則一律價錢. 我也是首次食拉麵連麵和义燒的份量也可以自己選. 不論你是食量大或小也顧及到. 以下是我的選擇. 而湯底有三款選擇, 分別是原味, 黑蒜和蕃茄. 全部是豬骨湯底. 我點了黑蒜. 因為這是沾麵, 所以湯和麵是分開上. 牆上貼了進食沾麵的正確食法. 黑蒜湯底是三款湯底最濃味一款, 啱晒愛濃味的我, 用來沾麵就最好. 湯底的黑蒜味也相當濃郁. 枱上有三款醬料供客人因應自己的需要而添加入湯裡. 麵的質地夠煙靭, 我自己是偏愛軟麵質地, 所以若能再軟身一點, 我會更鍾意. 配料中必食溏心蛋. 蛋的味道夠入味, 蛋也算流心, 若再流心多一點更好味. 义燒好大塊呀~ 脂肪比例夠平均, 肉質唔會過硬. 食完麵後, 記得叫侍應幫你加番一些熱湯, 因為沾麵的湯是較咸, 不能就咁飲, 加番湯後, 飲番幾啖湯就最正. 下次再來光顧, 我要試下蕃茄湯底.
感謝 sky_0721 提供以上資料 sky_0721的網誌: http://www.openrice.com/zh/gourmet/reviews.htm?userid=504491&city=hongkong
|
~END~
| 商店 | 俺之沾麵專門店 |