初試阿麥廚房 SeeWide

銅鑼灣食店林立, 好多都想試下, 今次決定去一間之前從未去過的食店食晚飯, 最後選擇了阿麥廚房.

這裡幾有情調, 好適合情侶到來食飯.

我地點了晚餐.

首先是田園雜菜沙律配陳年醋汁.
阿麥廚房的相片 - 銅鑼灣)

雜菜幾新鮮, 所以入口夠爽脆, 配上帶點酸的醋汁, 特別醒胃, 最適合飯前食, 若醋汁多一點更好味.

餐湯點了黑松露菌忌廉湯.
阿麥廚房的相片 - 銅鑼灣)

上枱已聞到淡淡的黑松露香味. 雜菌打得幾碎, 入口幾滑身, 再混合湯面的黑松露, 雙重口感.

小食是大蝦占米多.
阿麥廚房的相片 - 銅鑼灣)

隻蝦都幾大隻, 兩個人每人一半也夠. 蝦肉肉質幾彈牙, 我自己就最鍾意啖啖肉. 原來這是芝士味, 啱晒愛食芝士的我.
阿麥廚房的相片 - 銅鑼灣)

主菜出場啦~

最近特別愛食豬手, 所以今次見到德國式燒咸豬手, 我也第一時間點了這個.

上枱時也被佢的賣相吸引. 豬手燒得很不錯.
阿麥廚房的相片 - 銅鑼灣)

豬手已經切好, 就咁食就可以, 非常方便.
阿麥廚房的相片 - 銅鑼灣)

豬手皮幾脆身, 咸味適中. 而豬手肉質對於我來講是偏硬了一點, 我自己本身鍾意食腍身一點的肉.
阿麥廚房的相片 - 銅鑼灣)

反而被薯條吸引, 薯條外皮好脆, 口感同我平日食的薯條有點不同, 薯味也不錯, 所以我也食不停口.
阿麥廚房的相片 - 銅鑼灣)

飲品我點了熱朱古力.

上枱時好驚喜. 估不到飲朱古力也有拉花. 仲要是較少有的河馬圖案, 而且我仲覺得有點似猴子圖案, 師傅拉得咁靚, 我都不捨得飲添…
阿麥廚房的相片 - 銅鑼灣)

朱古力味道夠濃郁, 我最怕是太淡味, 完全沒有朱古力味, 只有甜.

這一餐好豐富呀.

============================================

感謝 sky_0721 提供以上資料

============================================

~END~

商店

阿麥廚房


(0)	(0)	(0)