味蕾大挑戰 @ 黔館 SeeWide

本身不太食辣的我, 前幾日就同友人去了進行味蕾大挑戰, 到了深水埗黔館食晚飯. 這裡是食貴州菜, 菜式以辣為主.

入到店內, 裝修幾特別. 我自己尤其鍾意店內的吊燈.
黔館的相片 - 深水埗)

由於我地不太食得辣, 落單時已同侍應講左, 可以因應客人需要而調教辣度, 我地就要微辣.

我地是首次食貴州菜, 所以就由侍應介紹特式菜式.

最後, 我地點了涼拌折耳根, 黔豆花麵, 炸酥肉, 絲娃娃, 火焰牛肉和酸湯魚.

先奉上苦丁茶, 原來可以解辣, 這真是啱晒我, 可以一邊食, 一邊飲茶.
黔館的相片 - 深水埗)

首先是涼拌折耳根, 是這餐飯第一個挑戰, 因為佢味道有如魚腥味, 又叫魚腥草, 可以清熱解毒.
黔館的相片 - 深水埗)

難得來到這裡, 一定要試下. 味道真的好濃烈, 相對平日食魚的腥味, 多好幾倍… 我也是試咗一條就頂不順,
真的佩服貴州人可以成日食用.

接着, 黔豆花麵是用豆漿和豆腐與闊條麵一齊煮, 配上秘製香菇肉丁辣汁, 可以因應自己的喜愛而加多或少.
黔館的相片 - 深水埗)

麵配豆漿, 夠滑身, 就咁食就好淡味, 但加入辣汁, 就好好味.
黔館的相片 - 深水埗)

酸湯魚上枱已經好吸引, 這是貴州名菜, 湯膽以秘方將小蕃茄發酵而成, 再加入新鮮豬骨而成, 用的魚是烏江魚.
另有配菜和蘸水.
黔館的相片 - 深水埗)

這個湯用上整條烏江魚, 大約煮二十分鐘.

魚未食得, 可以先食其他菜式.

炸酥肉用獨門秘方腌製上層五花腩, 外脆內嫩, 而且帶微微的甘香, 味道適中.
黔館的相片 - 深水埗)

火焰牛肉上枱時, 侍應會用火槍燒下, 製造出火焰.
黔館的相片 - 深水埗)

牛肉肉質夠腍身, 加上各款的洋蒽, 三色椒一齊炒, 帶少許辣,好惹味. 另有辣椒粉, 想更辣更惹味就點下.
黔館的相片 - 深水埗)

食了兩款肉, 可以食絲娃娃中和一下.
黔館的相片 - 深水埗)

這是用薄的薄餅, 裡面有三絲, 黔麵, 油渣, 再點蘸水一齊食.

入口幾清新又夠爽, 感覺不錯.
黔館的相片 - 深水埗)

酸湯魚終於食得啦~

魚好滑身, 再配上蘸水一齊食, 真是好夾, 加上湯帶點又酸又辣的感覺,
味覺有多重口感.
黔館的相片 - 深水埗)

之後, 可以加入配菜或火鍋材料進食, 但對於我來講就偏辣.

食完這次貴州菜後, 味蕾經歷多次挑戰, 但也不失為一次不錯體驗, 下次有機會也想再次挑戰.

============================================

感謝 sky_0721 提供以上資料

sky_0721的網誌: http://www.openrice.com/zh/gourmet/reviews.htm?userid=504491&city=hongkong

============================================

~END~

商店	黔館 Qian Guan


抱歉，發生點錯誤。重新載入


(0)	(0)	(0)