|
放縱食一餐 - 組長日式放題
|
|
sky_0721
2015-02-07
626
0
|
分享
收藏
前幾日相約友人到了銅鑼灣的組長日式放題食晚飯. 這裡的放題有四個時段選擇, 而價錢也有所不同. 我地就選擇咗6:30pm 到8:30pm. 刺身當然不少得, 但我本身唔食刺身, 幸好仍有好多種類選擇, 例如壽司, 手卷, 沙律, 鐵板, 炸物, 天婦羅, 鍋物, 串燒, 一品料理等…… 首先試下蟹籽沙律, 中華沙律和芝麻醬菠菜. 本身好鍾意食芝麻醬, 見到芝麻醬菠菜一定要點來試, 而且不是間間放題也有得食. 芝麻醬和菠菜好夾, 而且入口夠清新. 朋友點了刺身, 包括三文魚, 甜蝦, 鮑片, 希靈魚… 佢話夠新鮮, 尤其是三文魚, 不但夠肥美, 而且每片也厚身. 也點了壽司, 反卷和手卷. 手卷的紫菜還算脆身, 當中有我最愛的軟瞉蟹手卷, 軟瞉蟹份量也幾大件. 而蟹棒和玊子壽司也好味, 壽司飯軟硬適中, 而醋也適中, 唔會過酸, 口感不俗. 我鍾意食海鮮, 點了清酒煮蜆和焗芝士扇貝. 清酒煮蜆就中規中矩, 焗芝士扇貝的芝士幾濃郁, 扇見也新鮮, 大隻一點更好. 天婦羅點了大蝦, 蟹棒, 沙錐魚, 香蕉, 茄子和南瓜. 我自己最怕炸粉過厚, 但這裡的炸粉好薄, 入口唔會全口炸粉. 即使放耐一點先食, 仍然是脆身. 另外, 這裡的天婦羅有些款式幾特別, 例如沙錐魚和香蕉, 沙錐魚魚味濃,香蕉又夠香甜, 來這裡必定要點天婦羅. 炸物點了吉列炸蠔, 香脆芝士卷, 黃金蝴蝶蝦, 芝士年糕和年糕魚腐. 炸物是熱辣辣上枱, 其中芝士年糕和年糕魚腐是必食. 芝士年糕和年糕魚腐不但夠煙韌, 一咬開, 已見到芝士湧出, 又唔會太肥膩. 點了日式牛肉鍋, 內裡的食材也豐富, 有牛, 各款蔬菜和蛋, 也試了蟹粥, 粥唔會太稀, 蟹味濃一點更好. 串燒不可以不食, 點了大蝦, 玉米, 小蕃薯, 三文魚頭骨, 雞骨腸, 水準正常, 我較愛食小蕃薯和雞骨腸. 食咗咁多食物, 已經好飽, 但我仍然想一試自製甜品, 原來是泡芙, 內裡的忌廉夠香和滑, 燒菠蘿夠甜. 這一餐放題好豐富呢……
感謝 sky_0721 提供以上資料 sky_0721的網誌: http://www.openrice.com/zh/gourmet/reviews.htm?userid=504491&city=hongkong
|
~END~
| 商店 | 組長日式放題 Captain's Japanese Restaurant (銅鑼灣店) |