我終於明白何謂「選擇困難症」, 一個Food Court, 6間食肆, 超過80款食物...(走到餐牌面前, 真係多到有D驚)

觀塘工廈, 上個月新開一間超強選擇的Food Court, 我當然不放過「踩場」機會...(嘩! E度開朝7晚7, 我傍晚5點幾嚟度, 輕輕鬆鬆任坐...工廈飯堂就係有咁嘅好處)

一個人, 下午茶尾聲...(其實都算提早食晚飯), 想了又想, 終於點了我由細到大, 最有感情的鴨腿湯飯.

(從前每個星期日, 例必跟爸媽到新光飲茶, 一定來一碗鴨腿湯麵...後來食慣了, 侍應一看到我, 不用叫~也自動送來一碗)

紅雙喜的鴨腿湯飯也有當年8成的味道, 正當我左影右影之際, 他們的肥師傅走過來問我:「好奇怪你會叫鴨腿湯飯, 我哋出名食小炒...」

(係咩? 我唔知喎, 但我一個人, E家點食多個小炒呀?) 肥師傅建議:「鍾唔鍾意食餃子? 煎幾隻你試下?」(好呀!好呀!我最鍾意食餃子)

Food N' More 食民營

地址 / 觀塘開源道55號開聯工業大厦A座地下 

營業時間 / 星期一至六7am-7pm(星期日休息)

大仁生活facebook