喜歡搵間咖啡店靜靜的嘆杯咖啡，再來點輕食已經超滿足，想想下好似好耐未試過了。

放工後，與他來到佐敦的廟街附近，估唔到呢度竟然有間咖啡店，位置有點隱閉，但其實大大的霓虹燈牌非常亮眼。

咖啡店內的環境佈置大都以木紋為主，有不少小物作裝飾，牆上又掛大幅畫上圖案的板子，可以讓人不停拍照。而且可能由於位置所限，人流唔算多，靜靜的，坐得比較舒服。

店子所賣的係精品咖啡，種類唔少，仲有女孩子們至愛既可愛拉花! (而且店子仲有咖啡班可以報讀呢!)

鹹食以輕食為主，提供全日早餐、貝果、意粉、沙律和麵包等；當然仲有蛋糕，今日見到蛋糕櫃內有供應檸檬撻同紅蘿蔔蛋糕，價錢都係$3x/件，唔貴。

綠茶鮮奶咖啡 $42

平時去開cafe，叫親既綠茶咖啡，大都以牛奶同綠茶粉沖泡居多，不過呢度係有落咖啡的， 一改以往綠茶咖啡係無落咖啡既見解。咖啡顏色不像平時既綠茶鮮奶呈綠悠悠既淺綠色，加左咖啡後顏色略為深一點。

落單時，小妹話希望要有熊仔拉花，送上黎時真的有咧，很可愛，公仔圖案夠清晰。而且仲用小木盤盛著，看到心情立即好起黎! 

拿鐵飲起黎細滑綿綿，帶有濃郁甘澀的咖啡味，仲有陣陣抹茶香，不錯啊。

他的榛子鮮奶咖啡 $36，拉了個頗美的天鵝圖案。

超級全日早餐 $88

呢份全日早餐真係好豐富，款式同份量都多，相信一個女仔食晒會好飽。裡頭有炒蛋、珍寶腸、兩片煙肉、大啡菇、芝士片、香草薯蓉、烤蕃茄、士多啤梨、法包兩片同茄汁豆。

食物質素都唔錯，煙肉咬落脆身的，很香口。炒蛋炒得頗滑，還有咬落多汁的大啡菇，早餐仲包埋少有的芝士片。唯一缺點係整份早餐都唔夠熱，呢方面需注意一下。

Studio Caffeine

地址: 佐敦廟街284號地下

(港鐵佐敦站 C2 出口, 步行約3分鐘)

電話: 2793 3480

營業時間:

星期一至五: 08:00-22:00

星期六至日: 10:00-22:00

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================