放工後約左好友飯聚，咁岩佢又係觀塘個邊返工，所以就揀左呢間位於觀塘區內既Shabu Shabu店。餐廳位置在附近都係工業大廈內既廣場一樓。

餐廳環境唔算大，平實型的裝潢，坐位亦唔多，中間就有大卡位坐。

餐廳供應Shabu Shabu放題，主打一人一鍋，每位客人可選擇自己喜愛既湯底，又可以同友人分享唔同既湯底。

這裡有四款不同價錢既牛肉選擇。美國進口牛肉火鍋 $158、特級澳洲進口牛肉火鍋 $198、澳洲和牛火鍋 $298及日本和牛火鍋 $388；所有火鍋放題都包括埋任叫豚肉和雞肉，雪糕同飲品都係可以任飲任食；後面個兩款仲會附送海鮮拼盤一客。

醬料區

飲品櫃有唔少飲品供應，仲有韓國飲品呢!

湯底選擇有清湯、甜豉油、蕃茄、豚骨、中華辣湯、泡菜、牛乳和牛腸鍋 (需+$38)。

外面就有無限供應既火鍋材料，蔬菜、丸類、豆卜、芝士腸、午餐肉、菇類、數款麵類等，選擇唔多，建議盡量加返多少少選擇，因為望落感覺好似有點稀虛，唔夠豐富。

我地就要左澳洲和牛火鍋 $298，小妹要左甜豉油湯底，友人就係蕃茄湯。

揀甜豉油既原因係一向都喜歡壽喜燒既味道，當然甜豉油唔等於壽喜燒，不過拎黎做火鍋湯底，甜甜的都唔錯。

澳洲和牛色澤紅潤，紋理清晰，入口肉質幼嫩細滑，好食!

同樣任食既豚肉同雞肉，入口同樣肉質幼嫩。

另外跟和牛套餐仲送一份海鮮拼盤 (散叫 $48)，有兩隻帶子及生蠔。帶子頗大隻的，而且滿厚肉，充滿鮮味，唔鞋口，味道唔錯啊!

最後仲有Milk Top雪糕任食，有朱古力，抹茶同香蕉味，雪糕迷回本之選。

相馬日式火鍋

地址: 觀塘成業街10號電訊一代廣場1樓B2號舖

(港鐵觀塘站 B2 出口, 步行約3分鐘)

電話: 2111 0591

營業時間: 星期一至日: 11:00-23:30

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================