蒙面歌皇 SeeWide

如果你有留意開娛樂新聞的朋友，當然有睇前排送禮勤的精采表現。

擺明係李克勤唱都可以話唔係佢唱還要說估不到，假到咁，無人能及，那首富士山下的聲線，完全係命運就算癲沛流離的那把聲音，究竟，呢個遊戲有什麼意義呢？

這個新聞令我想起剛剛吃過的一間車仔麵店，冬暖夏涼，點解，因為送禮勤有首歌我非常鐘意，就係叫冬暖夏涼，佢首歌配合佢健康專一的男人形象，深深在腦海中記錄著。
冬暖夏涼濃雞湯車仔麵館的相片 - 大角咀)

有時候，名字與事實，就好像那個比賽一樣，兩樣東西都極不相乎，我以為呢間餐廳係一個好男人聽左呢首歌後，為了太太而開哂恩愛的一間自家菜舖頭，煮的東西都係冬暖夏涼的時令菜式，但後來我吃過麵先知道，原來呢間車仔麵係老闆對自己的雞湯湯頭非常有信心，於是起了這個名字，大概這裡的湯頭就好似agent 係樓盤sale你賣樓一樣，有異曲同工之妙。

冬暖夏涼，有舒適合時而又令人有家的安心感覺，這間小小店，介紹原因係因為佢係有一份誠意嘅。
冬暖夏涼濃雞湯車仔麵館的相片 - 大角咀)

車仔麵為主的這個小店，呢度嘅車仔麵普通得黎有份特別，就係有撈麵食，雖然你會話，市面有啲車仔麵地方都有呢類選擇啦，不過呢度無論麵種，醬汁，車仔餸嘅選擇都特別而且多，你有見過連綠茶麵，紅薯粉，橋麥麵和冷拉麵都可以係車仔麵種嗎。

兩個人來食飯的晚上，樣樣都想試下，就要一個撈一個湯吧。

首先來一杯自家製的洛神花茶，暖暖心頭家的感覺，一飲便知道是誠意之作。
冬暖夏涼濃雞湯車仔麵館的相片 - 大角咀)

自己要了一個粗麵，貪心少少要了幾個熟食，滿滿的咁大碗都係五十元內，最重要係好大碗，同出面的細碗份量又少真係差好遠，車仔麵還加了一點點的瑤柱絲，可見呢度嘅車仔麵有一點兒的自信，看名字看餐牌都略知一二。
冬暖夏涼濃雞湯車仔麵館的相片 - 大角咀)

湯頭正濃，一口渴下已經知是雞湯的味，配合了粗麵，吸收盡湯頭之美，時菜有喜歡的韮菜，與車仔麵的野性最匹配。
冬暖夏涼濃雞湯車仔麵館的相片 - 大角咀)

去油豬大腸，呢個較野性和麻甩的選擇，豬大腸爽口煙韌有咬口，去油後更是乾淨無比，沒有一點肥膏，喜歡這樣的豬大腸與否見人見致，我就幾鍾意。
冬暖夏涼濃雞湯車仔麵館的相片 - 大角咀)

柱侯牛根，絕對是不錯的選擇，牛根係可以感受到湯頭味的好配偶，牛根炆得淋漓盡致，大愛。
冬暖夏涼濃雞湯車仔麵館的相片 - 大角咀)

瑞士雞翼，睇openrice個個話好食，就試下啦，相對前面個兩個餸，呢個略為普通了一點，瑞士汁滿載於雞翼中，不過真係冇乜特別，價錢也相對較貴。
冬暖夏涼濃雞湯車仔麵館的相片 - 大角咀)

撈麵就沒有了其得意的湯頭，相信更可以體現其食物真功夫。

朋友要了綠茶麵，加上泰式咖哩汁配合呢個撈麵，配搭新鮮。其綠茶麵煮得剛剛好的質素，完全吸收了咖哩汁的可愛。
冬暖夏涼濃雞湯車仔麵館的相片 - 大角咀)

鹿兒島醬魷魚，一身wasabi的味道，魷魚沒有了鮮味，全都被wasabi蓋過了，不過也算幾惹味。
冬暖夏涼濃雞湯車仔麵館的相片 - 大角咀)

沙茶蜂巢豆腐，這種吸醬汁的朋友絕對出色，沙茶味卻淡一點，不過其蜂巢豆腐煙韌有咬口，大愛這個車仔餸。

蒜香黑豚腩片，蒜香味不夠濃，但附上辣椒的豚肉有點點的辛辣味，而且唔算好肥的那種豚肉，大部分人都會喜歡。
冬暖夏涼濃雞湯車仔麵館的相片 - 大角咀)

大角咀黎講，算是不錯的車仔麵店，當然和車品品的出品有一點的距離，但次次去車品品都要排隊未免太過麻煩，不如試下新野，而且可能好多人見多個名都不明所以，見外表都唔太想入去，就如蒙面歌王一樣，唔開面具你都唔知佢係邊個，未試過吃你又點知自己喜歡與否呢。
冬暖夏涼濃雞湯車仔麵館的相片 - 大角咀)

冬暖夏涼濃雞湯車仔麵館

大角咀杉樹街2-16號金基大廈4號地舖

============================================

感謝技巧樹熊提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong

============================================

~END~

人均 $50.00

商店	冬暖夏涼濃雞湯車仔麵館


抱歉，發生點錯誤。重新載入


(0)	(0)	(0)