大隻仔雪糕三文治 SeeWide

吃完熱辣辣的火鍋放題，雖然剛才在餐廳已經吃過了雪糕，不過還有點意猶未盡，很想再多來一杯降降溫。醒起近排經常被網友洗版的雪糕三文治，咦，好似無線藝員大隻仔溫家偉最近都喺旺角廣華街落腳，開咗間叫《Stacks》的雪糕店，專賣美國流行的曲奇雪糕三文治，就一於拉埋老公去見識吓。
Stacks的相片 - 旺角)

原來店子不設座位、只供外賣；不過麻雀雖小，但選擇甚豐。單是每天以店內雪糕機鮮製的雪糕，就已經有 8 款口味可供選擇，當中包括有荔枝、玫瑰花、士多啤梨、生日蛋糕、曲奇怪獸、雲呢拿和兩款 Weekly Special，分別是朱古力雪葩及果撻，每款售價由 $38 - $48。
Stacks的相片 - 旺角)

至於用來夾雪糕的曲奇，就有朱古力、雙重朱古力、紅莓芝士同肉桂四款，據說全部都由工場自家烘製，想再特別一點的話，更可以棄曲奇改選小巧的骰的菠蘿包。雪糕配菠蘿包，齋聽個名都已經夠曬盞鬼。
Stacks的相片 - 旺角)

另外，客人更可以點選不同的 Toppings，(每款需另+$2)，以增加口感。就當晚所見，配料款式就包括有彩針、朱古力針、棉花糖、Oreo 碎、朱古力脆珠及焦糖。
Stacks的相片 - 旺角)

愛吃朱古力的我，唔使問阿貴，自然是揀了雙重朱古力曲奇，而雪糕則選了茘枝配焦糖 ($50)。沒想到原來這件曲奇雪糕三文治，size 這般大件，雖然店員教路要大力點壓實佢才吃，不過最後還是決定 ladylike 一點，以附上的藍色小匙舀起雪糕入口。原來這款茘枝雪糕，水準唔錯，入口鮮甜清香，味道一點也不造作，配上甜蜜的焦糖，清甜可口。只可惜用來夾雪糕的兩塊 double chocolate cookies，質感偏硬，而且稍嫌有欠鬆脆，影響食味。
Stacks的相片 - 旺角)

至於老公點的菠蘿包夾曲奇怪獸 ($48)，迷你小巧的菠蘿包，外皮帶甜，而且經番熱後，入口微暖，襯以淺藍色的曲奇怪獸口味雪糕，確實十分搶鏡。講真這款 Cookie Monster 雪糕，味道唔算好突出，口味原來只是最普通不過的雲呢拿雪糕，幸好吃起來奶味濃郁，帶雲呢拿的清香，加上賣相爆脆，難怪吸引不少粉絲捧場。
Stacks的相片 - 旺角)

唔知下次再訪會唔會見到大隻仔駐店賣雪糕呢？

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================

~END~

人均 $49.00

商店

Stacks


抱歉，發生點錯誤。重新載入


(0)	(0)	(0)