令人心動的 Honey Bee SeeWide

炎熱翳焗的天氣，不但令人出街感到熱辣辣，就是連食野都無曬胃口。不過早幾日喺 facebook 見有人 post 咗兩張《美心西餅》剛推出的 Honey Bee Series 系列蛋糕，當中包括有「蜂味蜜糖屋」及「蜂味芝戀慕絲蛋糕」，前者一款形象 cute 爆可愛，而後者則成熟典雅，加上據報兩款蛋糕都特別採用咗產自澳洲塔斯曼尼亞的 Blue Hills Leatherwood Honey 打造，睇落好似幾清新甜蜜咁，實在非常吸引。好，就一於趁週末人齊，去揀番個回家同屋企人齊齊分享。
美心西餅的相片 - 太古)

由於老公對芝士向來興趣不大，所以二話不說，第一時間就挑選了這款「蜂味蜜糖屋」(原價 $218、「蜂」味價$198)。個蛋糕面頭嘅裝飾，真係好得意，尤其是躺在蜜糖屋頂上兩隻間紋的鵝黃色小蜜蜂，造型趣緻生動，加上甜美的巧克力蜜糖棒，光看就已經讓人心花怒放。
美心西餅的相片 - 太古)

兒子已經急不及待，把這間賣相誘人的蜜糖屋從頂部切開，嘩，原來內裡金黃色的蜂蜜是以一個小兜盛載著。先以朱古力棒蘸點少許蜜糖放於蛋糕上，再端前細看，原來間蜜糖屋的夾層是由好多種唔同的食材組合而成的，望落去層層疊疊，質感豐富。除了面層充滿清甜蜜糖味的蜂蜜慕絲外，內裡還有蜂蜜寒天啫喱、清香得來又細柔綿滑的流心蜂蜜、曾榮獲金獎的蜂蜜慕絲、清新的檸蜜啫喱及清甜的蘋果蓉，再加上鬆軟濕潤的黃金及朱古力蛋糕同埋高纖結實的消化餅底，色彩亮麗奪目，香甜的味道，令人一試難忘。
美心西餅的相片 - 太古)

至於另一款「蜂味芝戀慕絲蛋糕」，雖然沒品嚐過，但其實個造型都好吸睛，而且據說蛋糕內藏清甜的啤梨蓉，非常特別，估計同當中的蜂蜜芝士慕絲應該幾夾，就一於留待下次再試。

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================

~END~

人均 $198.00

商店	美心西餅 (太古康怡廣場店)


抱歉，發生點錯誤。重新載入


(0)	(0)	(0)