抱歉，發生點錯誤。
重新載入
沙田滋味行
mjqueen7e ★ ★ ★ ★ ★
2015-05-16
776
0
分享
收藏
坊間的自助晚餐，近年收費愈來愈貴，一個人去閒閒地都要六、七百塊，不過近日友人推介我試試位於沙田帝都酒店的《2+2 café》，據說餐廳近月推出以龍蝦同生蠔做主題的「龍」皇「蠔」門海鮮盛宴自助晚餐，訂價方面，除了全時段、即晚上 6pm -10pm 成人收 $568 外，餐廳還提供了兩個優惠時段，第一輪 5:45pm-7:45pm，第二輪 8pm-10pm，成人劃一收 $398，而且這個價錢仲適用於星期一至日及公眾假期。
2+2 café的相片 - 沙田)
咦，聽落唔錯喎，雖然沙田對我這個港島人來說是有點遠，不過星期五、六、日及公眾假期，竟然沒特別提高收費，而且仲可以揀時段入座，啱曬我這個食量不大，但又心多多樣樣想試，兼想慳住荷包的師奶仔。就一於揀個星期五，提早一點下班，拉老公陪我來吃頭輪，夠經濟。
2+2 café的相片 - 沙田)
其實沒來沙田逛街已經有好一段日子，幸好來之前做了些少功課，留意到原來由港鐵沙田站 A 出口沿扶手電梯上一層，直行到尾轉右再跟指示就會看到《2+2 café》，餐廳一點也不難找。
2+2 café的相片 - 沙田)

2+2 café的相片 - 沙田)

2+2 café的相片 - 沙田)

2+2 café的相片 - 沙田)
由於預訂了第一優惠時段，所以來到時店裡只有幾檯食客，實在太好了，趕緊把握時間，趁人潮尚未湧至，先行出去打個轉。食物區長檯上除了擺滿今次的主題龍蝦外，還有唔少其它海鮮、刺身、熱葷、日式爐端燒、甜品等，選擇非常豐富，那就事不宜遲，立即出動。
2+2 café的相片 - 沙田)

2+2 café的相片 - 沙田)

2+2 café的相片 - 沙田)
先由海鮮區的龍蝦出發，揀了兩隻冰鎮龍蝦、另加翡翠螺、海蝦同藍青口埋位品嘗。龍蝦水準果然唔錯，肉質爽嫩彈牙，味道甜美，難怪是場內大熱之選，而翡翠螺爽滑鮮甜、凍海蝦用的是中蝦，肉質爽甜，入口夠新鮮；加埋藍殼青口，肉厚滑溜，味道十分討好。
2+2 café的相片 - 沙田)

2+2 café的相片 - 沙田)
接著要品嘗的，當然是擺放於轉角位的美國生蠔，生蠔的 size 望落去雖然唔算好大，但可以揀即開即食，入口海水味極重，而且啖落味鮮肉爽，只要加點檸檬汁來吊味便可，連平日不大愛吃生蠔的老公，也連啖三隻才肯罷休。

2+2 café的相片 - 沙田)

2+2 café的相片 - 沙田)

2+2 café的相片 - 沙田)
刺身方面，加加埋埋都有成 6 款，當中包括有三文魚、吞拿魚、鯛魚、希靈魚、八爪魚同北寄貝，而且仲未計幾款飽肚的壽司，選擇相當豐富。筆者向來是三文魚粉絲，無論是熟食、生吃，甚至煙燻，也百吃不厭，所以自然亦沒錯過當晚的三文魚刺身，入口肥美味鮮，點可以唔 take action 呀！


金銀菜豬骨湯 - 沙田的2+2 café)


番茄湯 - 沙田的2+2 café)
來到熱葷環節，先喝一碗熱湯，而當晚就有中式的金銀菜豬骨湯同西式的番茄湯可供選擇。唔使問亞貴，相信大家都應該估到我一定會揀中湯，睇吓幾足料，而且喝起來湯味濃郁，清熱潤肺，啱曬我呢種成日追劇集，三更半夜都唔瞓嘅人。


龍蝦松露意大利飯 - 沙田的2+2 café)


龍蝦番茄忌廉意粉 - 沙田的2+2 café)


海龍皇湯 - 沙田的2+2 café)
另外由於自助餐以龍蝦做主題，所以餐廳每晚都會輪流供應三款用上龍蝦入饌的菜式，例如龍蝦海膽燒、龍蝦海鮮粥，而筆者到訪當晚，正好就有龍蝦松露意大利飯、龍蝦番茄忌廉意粉、海龍皇湯。Risotto 用意大利米炮製，吃起來有濃郁的松露香，令人驚喜；而意粉亦夠 Al Dente，加上入口啖啖肉的龍蝦，口感一流；不過老公就話更愛它的海龍皇湯，喝時湯內有濃稠的魚茸，而且難得不帶腥味，配埋龍蝦肉，味道極之鮮美！


清蒸大海班 - 沙田的2+2 café)
清蒸大海班是另一道個人認為值得推介的熱食，皆因條魚蒸得火喉剛好，肉質嫩滑鮮甜，吃起來啖啖肉，勁正！


三色芝士焗松露薯蓉 - 沙田的2+2 café)


法式田螺龍蝦仔炒飯 - 沙田的2+2 café)


日式燒鯖魚 - 沙田的2+2 café)


芝麻蜜糖雞翼 - 沙田的2+2 café)


脆炸沙田乳鴿 - 沙田的2+2 café)
至於其他熱食就包括有三色芝士焗松露薯蓉、法式田螺龍蝦仔炒飯、日式燒鯖魚、泰式香辣醬脆肉瓜炒豬頸肉、芝麻蜜糖雞翼、美式焗排骨、燒牛仔骨配黑椒汁、脆炸沙田乳鴿、海鮮炒時蔬等，當中特別要推介的就有日式燒鯖魚，入口細嫩滑溜，魚油豐腴；芝麻雞翼，做得非常入味，帶蜜糖的甜香；沙田乳鴿，食落 juicy 唔乾身，入口皮脆肉嫩，一個人可以幹掉一整隻。


酥炸三文魚頭 - 沙田的2+2 café)


印式牛腩咖喱 - 沙田的2+2 café)
炸物方面，款式唔多，只有配上日式芥末蛋黃醬的酥炸三文魚頭同日式餃子，另外餃子旁邊，就擺放咗印式牛腩咖喱同印式咖喱雜蔬，迎合不同食客口味。


爐端燒 - 沙田的2+2 café)

2+2 café的相片 - 沙田)
而老公就特別鍾情旁邊的爐端燒烤美食，還推介我吃燒龍蝦和帆立貝，兩者都肥美大隻，入口鮮味十足。同場還有小食如雞軟骨串、雞中翼串、雞腎串等，食物種類繁多，令人食指大動。


燒豬脾、澳洲肉眼牛排 - 沙田的2+2 café)


新加坡胡椒炒蟹、馬拉奶油炒鮮蝦 - 沙田的2+2 café)
此外，餐廳亦備有燒豬脾同澳洲肉眼牛排，前者豬脾肉切成薄片，咬下肉質夠嫩滑、而後者肉眼牛排，肉質雖然唔算十分上乘，但咬下口感鬆軟，淋上惹味的燒汁，再配點芥末，能增加食慾。走近角位的攤檔，竟然發現有新加坡胡椒炒蟹同馬拉奶油炒鮮蝦，不過由於胃納有限，想留肚吃甜品，所以就此作罷。


六呎長巨型薄餅 - 沙田的2+2 café)

2+2 café的相片 - 沙田)
另外不得不提的，是餐廳每晚於七點同九點會有六呎長巨型薄餅出爐，而筆者到訪當晚，就有三款口味，分別是西班牙黑豚叉燒薄餅、八年滷水拼盤薄餅同秘製麥芽糖燒乳鴿薄餅，薄餅的餅底雖然唔算十分鬆脆，但配上各款燒味，別具風味。而最搞鬼的，就是當師傅見我拿手機拍照時，還特意企定定，叫我影靚啲。
2+2 café的相片 - 沙田)

2+2 café的相片 - 沙田)
仲未輪到食甜品，大家是否已經等得很不耐煩呢？唔好心急，先去片睇睇甜品區的陣容是否夠鼎盛。各式各樣的小切餅，望落去的的骰骰，細細件，但原來選擇都唔少喎。


栗子撻 - 沙田的2+2 café)


朱古力撻 - 沙田的2+2 café)


紅桑子慕絲蛋糕 - 沙田的2+2 café)


綠茶紅豆餅 - 沙田的2+2 café)


濃味朱古力蛋糕 - 沙田的2+2 café)


綠茶杯裝蛋糕 - 沙田的2+2 café)


吉士泡芙 - 沙田的2+2 café)


石板街朱古力 - 沙田的2+2 café)

2+2 café的相片 - 沙田)
數一數，由左至右，有日式芝士蛋糕、栗子撻、朱古力撻、紅桑子慕絲蛋糕、綠茶紅豆餅、忌廉蛋卷、濃味朱古力蛋糕、日式抺茶天使慕絲蛋糕、吉士泡芙、藍莓芝士餅、德國芝士餅、馬卡龍、石板街朱古力、柚子凍杯、綠茶杯裝蛋糕、草莓杯裝蛋糕，款式花多眼亂，而筆者就特別鍾情幾款以朱古力炮製而成的甜品，如朱古力撻、朱古力蛋糕、石板街朱古力，入口味道醇厚，又香又甜，但又唔會太過膩口。


Häagen-Dazs 雪糕 - 沙田的2+2 café)

2+2 café的相片 - 沙田)


綠豆糖水 - 沙田的2+2 café)


紅豆沙 - 沙田的2+2 café)
見鄰桌的小孩不斷進進出出，原來是出去拿棉花糖、手指餅蘸點朱古力噴泉，邊玩邊吃，十分 cutie。咦，好像忘了吃 Häagen-Dazs 雪糕添，看看有甚麼款式先，綠茶、芝麻、雲尼拿、士多啤梨、菠蘿、朱古力，一於每款來一球。另外糖水方面，熱食的就有起沙的綠豆糖水、滑溜的豆腐花；而凍食的就有勁多豆的紅豆糖水、黑白糖水同紫米露，食完再掃埋火龍果、西瓜同哈密瓜等水果一清腸胃，吃得實在很飽足啊！
2+2 café的相片 - 沙田)

2+2 café的相片 - 沙田)
臨走前發現原來餐廳剛推出《星級風味宵夜自助餐》，以不同地區風味的佳餚作招徠，而供應時段為星期一至日及公眾假期，晚上 10:15pm -12mn，成人每位 $260，價錢合理，如果大家嫌平日食開的宵夜，了無新意，不妨考慮一吓這裡。


============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong


============================================

~END~
人均 $438.00
商店 2+2 Cafe