|
生日飯 ~ 旺角泰廚
|
|
問米婆
2015-07-21
483
0
|
分享
收藏
| 朋友約了我今晚食生日飯, 仲選好左位於旺角的泰國菜館. (朋友電話說: 餐廳係金魚街天穚樓梯位附近, 好易搵!) 果然如他所講, 金魚街天穚位附近。 不過門口搭了棚架, 真係要看清楚. 時間尚早, 先入去拎位, 涼住冷氣等朋友吧! 打開menu, 真令人三心二意， 事關泰國美食真係好多種 ， 我d泰國記憶又返來了！！ 當時係泰國瘋狂大飲大食， 返到香港肥左几磅囉！！ 鬼叫忍唔到口咩！！！ 但今日係我生日飯，我話事……… 最後選了几道菜。 泰式小食拼盤(小) 想點几個小食，但計落唔化算， 再者可能食唔曬， 而小食拼盤（小）的份量剛好二人享用， 所以點這個。 春卷X1, 蝦餅X1, 魚餅X1, 雞肉串燒X1, 豬肉串燒X1 春卷, 蝦餅, 魚餅全部對半開. 蝦餅有彈性, 仍可嚐到蝦肉粒粒 點泰式辣醬會更好味! 魚餅內有豆角, 頗接近我以前係泰國食的味道. 以前在泰國食的魚餅, 魚肉係偏紅色, 有香茅味, 辣椒籽己混在魚肉內 所以, 如果這家的魚餅再辣D, 就更爽了. 春卷中間是素 : 粉絲, 紅蘿蔔, 芹菜等 外皮唔太硬, 並且有少少煙韌. 2款串燒之中, 我選了雞肉串燒X1 雞肉尚算嫩滑, 而沙嗲醬比較甜, 仍可見到粒粒的花生. 冬蔭海鮮湯 一小煲己足夠2-4人份量, 內有3粒元貝, 3隻蝦, 青口1個 菇類及其他調味品. 湯底很濃, 而辣度OK（已經是這餐最辣的款式了） 可是如果湯底再酸D會更好. 史兩鏡(黃咖哩)雞 MENU有3款咖哩, 都係以<史>字為首! 簡單來講, 即係 : 黃咖哩, 青咖哩及紅咖哩. 見到隔離枱的青咖哩 = 稀湯湯 再看看後面枱的黃咖哩 = 杰撻撻 所以決定點黃咖哩 + 雞. 黃咖哩唔太辣, 椰汁味重, 略甜, 少少似馬來咖哩. 雞肉OK. 而我最喜歡是薯仔 << 澱粉質!!!!!!!! 波浪紋的切口, 咬落又軟棉, 薯肉少少甜. 好正. 蒜蓉包(6塊) 見到後面枱客人將蒜蓉包沾上黃咖哩的食法. 於是效法，點一份. 蒜蓉包表面有綠色的蒜蓉醬. 可能是打碎左的蒜蓉粒粒. 香葉辣椒炒豬肉碎 豬肉碎以香葉, 蒜粒, 辣椒粒炒勻. 少少鹹, 而辣度接受到. 用來撈飯一流. 加一蚊送的甜品, 共4件, 椰汁糕下面係西米. 少少甜但有少少鹹. 作為這晚的終結. 全單三百几, 本應每人約HKD150 而今晚是朋友請我, 呵呵呵!! 這個生日飯, 很滿足呢! 在收銀處，抬頭見到掛牆飾櫃， 裡面掛滿佛牌， 雖然看不清佛牌款式， 但這是我首次見在香港遇到到餐廳兼賣佛品牌
感謝 問米婆 提供以上資料 問米婆 的網誌: http://www.openrice.com/zh/gourmet/reviews.htm?userid=50320141&city=hongkong
|
~END~
| 商店 | 泰廚泰國菜館 |