|
Joyful搵甜品 - 品甜雲乎哉?
|
|
問米婆
2015-07-07
367
0
|
分享
收藏
| 今吾友偕其子至九公館 (九龍公共圖書館)增長知識. 欲見吾, 訂於申時(5PM)至芒角(旺角古稱), 食甜品也! 朋友是中文系, 近朱者赤呀! 多年來真是偷師不少呢! 甜品店的款式, 叫人花多眼亂, 選擇困難症又發作. 而大家都想點熱的款式, 終於選定了几款. 沖繩黑糖OREO芭菲 小朋友選了這杯甜品一人獨享. 杯口插了一支黑色棒棒, 喜歡零食的小朋友, 已經一眼認出, 仲要一口咬下去, 天真無邪, 不愧是小朋友的天性! 眼見一杯之內, 鋪了約10層. 以單件OREO曲奇, OREO雪糕, OREO粉, CREAM, 黑色JELLY組合而成. 小朋友表示黑色JELLY是甜甜的, 又不是涼粉. 可能正如品名<沖繩黑糖芭菲>, 沖繩黑糖JELLY? 士多啤梨拿破崙 這種是由三層酥皮夾幾層CREAM的甜品, 細個好喜歡食呢! 法文Mille-feuille 正好解釋其意 (仲要學埋美食的知識 !) 用酥皮做成的千層酥, 中間加上水果或CREAM層層疊成的甜品. 酥皮最上層鋪了心形士多啤梨, 還淋上士多啤梨醬呀! 往下數就是3層CREAM+酥皮. 小朋友喜款心形士多啤梨, 無問題, 全交其消滅吧! 而這3層酥皮又長又粗, 未知是剛焗好脆脆的? 還是放久了吸收左水氣? 如果用刀切, 一係好易碎! 一係好難切開! 就用最簡單的方法: 五指山! 千層酥的濶度, 剛好與咀巴濶度相若. 一層一層的拿起品嚐, CREAM粘性高, 好滑,有少少牛油味, (#唔係超級市場買到果D 現成唧唧CREAM.) 入口時, 滑滑的CREAM在脆脆的酥皮之間<必>出來, 2種口感同時出來了! 旁邊的粉紅色的雪糕, 都是交比小朋友消滅吧! 玉桂蘋果金寶盅伴雪糕 家中無焗爐, 不會烹調, 聽講做法是: 先把切件蘋果+玉桂+糖煮好, 再鋪上其他配料再焗制 在於表面粒狀的脆脆金寶灑上糖霜. 而熱烘烘的CRUMBLE通常會配以較凍的雪糕作伴碟. 現在金寶就在這小盅內, 仲有輕煙呢! 先舀一羹,連同表面金色的脆脆與玉桂煮過的蘋果. 很香玉桂味, 而蘋果已煮腍, 帶有少少酸 但中間仲好熱, 要吹一吹呀! 旁邊白色雲呢拿雪糕, 都係交比小朋友消滅吧! 薑汁疏乎厘 打至起泡的蛋白及其他配料混和後, 焗至發大發脹. 自家做不到Souffle, 還是去餐廳品嚐吧! 其實MENU上有几款味道, 而大家都對薑汁味比較有興趣. 薑汁疏乎厘真係好脹卜卜, 啡色部份己高於焗盅的高度了. 待稍涼一下, 疏乎厘與焗盅同高時, 用叉吉一下啡色表面, 疏乎厘係浪下浪下嫁! 可以想像到內裡又鬆又軟的蛋白部份. 了一小角細看, 氣泡不太明顯, 入口即溶, 還微微透出薑味呢! 再慢慢吃下去, 氣泡依然細密, 打泡的功夫真了得. 底部還有薑汁呢! 子曰: 禮雲,禮雲, 玉帛雲乎哉? 譯文:禮呀禮呀，只是說的玉帛之類的禮器嗎？ 今曰: Joyful搵甜品 - 品甜雲乎哉? 嘆甜品, 單單指從味覺上的品嚐就足夠了嗎? 如果對甜品制法有一定的了解, 會感受到制作人的努力, 更會明白何謂物超所值! Joyful搵甜品 - 品甜雲乎哉?
感謝 問米婆 提供以上資料 問米婆 的網誌: http://www.openrice.com/zh/gourmet/reviews.htm?userid=50320141&city=hongkong
|
~END~
| 商店 | Joyful Dessert House |