|
隨心~鎖肉
|
|
問米婆
2015-06-22
434
0
|
分享
收藏
| 今天下午與男同事們到鰂魚涌工作, 話晚上帶我食好野. 咁就跟他們一起去~~食食食! 原來此店是以星馬菜為主. 噢! 我的馬拉回憶返來了. 當年與馬來西亞的同學去MAMAK DANG(排檔之馬來語)的歲月: 品嚐燒魔鬼魚, 肉骨茶, NASI LEMAK, ASAM LAKSA, NONGYA菜, 飲TEH TARIK, 桔仔梅子冰, 薏米冰 回到香港後, 就少了接觸馬來西亞菜! 現在重溫當年的美食吧! 咖哩薄餅ROTI PRATA HKD18 這是馬拉好平好大眾化的小食, ROTI質地似是酥油餅, 表面有油, 中間有好多層LAYER. 咖哩汁真係好似記憶中的馬拉咖哩, 食到有好多香料:是茴香, 豆蒄, 丁香嗎? 真係好好味, 忍不住再REORDER了. 馬來西亞肉骨茶BAK KUT TEH HKD98 點都要叫返個BAK KUT TEH 肋骨煮到腍曬. 藥材熬制湯底配搭油炸鬼, 是當地一慣的食法! 肉骨茶藥效好得, 就連當地信奉回教的馬來西亞人(戒豬肉嫁!!!), 有時候會托當地華人幫他們購買. 未知他們是喜歡哪種藥效呢. 亞參魚ASAM FISH HKD208 在馬拉當地, 這道菜是以好少骨的大魚(好似馬茭魚果種咁少骨) + 亞參醬, 再配以LADY FINGER毛茄/秋葵, 蕃茄, 辣椒, 糖&其他香料. 亞參果ASAM即羅望子/ 酸子, 果實好酸, 制成ASAM醬. 馬拉的亞參魚酸和辣的獨特味道, 使我記憶猶新! 這店配合了稍作改良, 以較少骨, 體形較細的魚, 炸過後再配以ASAM醬汁. 而這道菜醬汁顏色較白, 可能是椰漿較多. 少少酸, 唔太辣的醬汁, 而魚肉相對較嫩滑, 應該更易被香港人接受. 香港人可能食慣滑LUT LUT的魚肉, 以及聚餐人數少. 如果按照馬拉當地用的大大舊魚, 魚肉纖維較硬及鞋口, 加上每次大大份制作, 唔係個個香港人接受到! 麥皮蝦HKD208 ~ 有4隻 炸過的大蝦, 蝦肉的質地好結實, 仲食到蝦肉的纖維, 而炸過的麥皮是加了調味: 少少鹹, 少少蒜蓉香. 巴東牛肋條HKD 88 無骨的牛腩配辣辣醬汁, 撈飯/ROTI一流 炒貴刁HKD 75 我好飽, 無食到 但男同事們要澱粉質先飽喎! 所以他們追加這個! 冰金桔檸檬HKD22 没有馬拉的桔仔梅子冰, 來個冰金桔檸檬吧! 男同事們話減肥, 點知話食埋今餐先減喎! 今晚咁多馬拉美食, 食物就鎖係你地的肥肉之間!
感謝 問米婆 提供以上資料 問米婆 的網誌: http://www.openrice.com/zh/gourmet/reviews.htm?userid=50320141&city=hongkong
|
~END~
| 商店 | 隨心 |